الفارس الأوحد

من صغري وانا احلم اني عروس
عروس لفارس ماله مثيل

.. حلم جميل

تحلم به كل البنات من الصغر

حلمي انا يختلف

فارسي مايشبه احد

فارسي نادر وجوده

مافي الكون مثله ابد

جمعت فيه كل الصفات اللي احب

الطول: فارع
والوجه: مثل القمر والا احلى بعد


صوته نغم

كلامه شعر


الله... ما اروعه !

فارسي شهم ونبيل

كريم وسخي

عطوف وودود

فارسي كلمته وحده

صادق.. وفي.. مخلص.. امين..


فارسي .. حلم جميل ..

صورته في خيالي..

من سنييييين .....من الصغر

وكل سنه اكبر

وحلمي يكبر معي..

وانتظر......

فارسي بفارغ صبر ..

كل ما اندق بابي اقول عساه هو يجي ..

عساني المحه ..

ياليت اشوفه شخص معروف ..

محسوس

واعرف اسمه ومسكنه..

وطال الانتظار..


والسنين تجري جري

مثل قطار الشرق

اذا اسرع وانطلق

لا فارسي اقبل ولا انا مليت الإنتظار

لازلت اصبر وانتظر


يمكن يجي مع الأيام


وحلم السنين اللي حلمته يتحقق وانتصر

انتصر عالانتظار..


وهمس الناس وحكي الاهل:

(كبرت ..عنست.. رغم انها

احلى من اخواتها..هند وسحر)

مادروا عن فارسي اللي تأخر وانا انتظر

مادروا انه ماله مثيل ولاشبيه بين البشر

مادروا اني انتظر فارسي

حتى لو طال انتظاري لاخر عمر


وهمس الناس يزداد...
ويكبر معه الخطر

:
(هذا عريس مناسب لها

كبير شوي لكن لازال يمشي رغم ضعف النظر

وذاك واحد ثاني مريض..

ايه... بس ينفع شريك لايام الكبر)


عمي يقول: العمر بينتهي

وتلقين نفسك وحيده

الحقي خذي هالشايب وجيبي لك ولد

يسندك وقت الشيب وعند ارجوع العمر

وزوجته تقول لابد فيه سر بحياتها

خطير ويروع !!يارب الستر!!

الستر زين للمره..

وسترها هو زوجها !!والاالقبر!!)


دوروا على السر الخطير
وفبركوا حكايات وقصص..

اكثرها غريب ومثير

وصوروني في مشكله

واني ضحيه من ضحايا الغدر

اشغلوا اذهانهم..!
وحللوا !!
وفكروا !!
.. وتحيروا !!

وما دروا اني لازلت انتظر !

انتظر فارسي الاوحد

انتظره ولوكان اللي باقي لي

يومين من العمر

انتظر فارسي اللي رسمت له

صوره في خيالي من الصغر

..فارسي الاوحد
اللي ماله مثيل في البشر!!