أخي الفاضل(((القادري))) والفخرلي ولك.
وعليكم السلام ورحمة الله وبركاته

ج/1 انا بنت الرجال اللي يعزون الخـوي والضيـف’’

انا بنت الرجال اللي تنومس مـن حكـا فيهـا’’

انا بنت الكريم اللي يزبن من من وطاه الحيـف’’

انا مـن لابتـن ماهـو موفـق مـن يعاديهـا’’

اعرف ان الرجال رجال ماتمشي دروب الزيـف’’

واعرف ان الضعيف ضعيف نفسه دوم مذيهـا’’

وبما اني عزيزة نفس ماني حاسبـه لضعيـف’’

لعلـه يفهـم التلمـيـح دام انــي بعديـهـا’’

وبكتبها هنا جملـه صريحـه مابهـا تزييـف’’

ترى اسلوبي مع ردودي تفسر عكس مابغيهـا’’

وانا ردي يجي عادي وطبعي ماعـرف تكليـف’’

ولكنـه ضعيـف النفـس بأفكـاره يسريـهـا’’

ولأني أدري ان الناس ما تاتي على ادنى كيـف’’

انا بصبر علـى هـاذي وحـذر قبـل اداويهـا’’

ترى بعض البشر تمشي بكلمة والبعض بالسيف’’

وكثير أشخاص رمشة عين تقربهـا وتوديهـا’’

والسر زي ماذكرت أخي القادري في بطن الشاعر وإن شاء الله تفهم .

ج/ 2 طيب الحين يا الطيب وش إلي حاررررررررررق رزك وش ودك نتكلم فيه في مثلاً( السياسة أو التجارة أوالأراضي ونتقسمها أو......الخ)أنا مجرد أخترتوني ضيفة وقاعدة وأرد على الأسئلة فقط لاغير وراك ضايق صدرك مثل ماقال الشاعر:
يازمان العجايب وش بقى ماظهر..
كل ماقلت هانت جد علم (ن)جديد..
ان حكينا ندمنا وان سكتنا قهر ..

وجزاك الله عنا ألف ألف ألف خير .

ج/3 بإذن الله أنا الحين أعد لكم مثل الدورة وفيها أختبارات وبإذن الله ما يبقى أحد في المنتدى إلا ويتكلم ويرطل إنجليزي وهذي فكرتي من يوم دخلت للمنتدى فإن شاء الله من بداية شوال تبدأ الدورة في E وحتى إلي لغتة في الانجليزي ممتازة لازم يشترك معنا OK والله ولي التوفيق ويمكن يا القادري بعد مانخرج الجميع في المنتدى من الدورة نحول المنتدى بني عمرو إلى اللغة الأنجليزية ونتراسل مع المنتديات في الخارج وجزاك الله عنا ألف خير.

ج/4 الحمدلله إن شاء الله مانكون مقصرين مع الله وأنا قد كتبت أول رمضان مشاركة عن مسابقة لأكبر عضو يختم القران بالمرات والظاهر أني بأخذ الجائزة وتكون منكم واليكم والسلام عليكم .
برنامجي في رمضان أصحى على صلاة الظهر وأقرأ لي ما تيسر لي من القران ثم أشوف ماذا يريد زوجي في يومي وأبنائي من فطور رمضان ثم أشوف وش فيه من أشغال البيت ما عملتها وأعملها ثم أصلي العصر وأقرأ ماتيسر لي من القران ثم أتوجه للمطبخ لعمل الفطور حتى صلاة المغرب ثم نفطر وأصلي المغرب وأقرأ ماتيسر من القران وبعدها أفتح النت وأشوف لي وش فيه من جديد أو أحياناً اجلس معى أبنائي ونشاهد التلفزيون ثم نصلي وأحرص أنا أن أصلي مع زوجي التراويح في المسجد ثم أرجع للمنزل وأقرأ لي ماتيسر من القران ثم أذهب لصلة الرحم سوا زيارة أهل زوجي أو أهلي أو أحد من الأقارب ثم أرجع للمنزل أنا وأبنائي ونتسحر ثم نصلي الفجر وأقرأ ماتيسر لي من القران ثم أنام ... هذا برنامجنا في رمضان ونسأل الله أن يتقبل منا ومنك صالح الأعمال اللهم آآآآآآآآآآمين.

اخيراً غفر الله ذنبي وذنبك وذنوب المسلمين اجمعين امين.
شـكــ وبارك الله فيك ـــرا لك ... موفق بإذن الله ... لك مني أجمل تحية .
أختك في الله (شهرية).