لا يغرك يا لميس الطيش من بعض الشبـــــــــــــاب
من يظن ان بك حلا .. ماله مثـــــــــــــيل بالحــــــلا ً


ذي عيون اللي إلى من لاح له طارف ســـــــــراب
فز كله كن عقله من هاك الحســـــــــن انجــــــــــلا


الحلا ماهو ملامح بس مع ضــــــــيق الثــــــــياب
مع تقمص دور خلا من نظــــــــر لك يذهـــــــــــلا


يالميس انتي جميله .. صح .. لكن ويش جاااااب
حسنك لبنت الخليج اللي حلاها مفصّـــــــــــــــــلا


بالمقاس اللي يخلي مثلك وغيــــــــرك تهـــــــاب
خايفة تدخل مقارن مع جمـــــــــال مكمــــــــــــلا


عقل وثقل ودين وشي يثير الانجــــــــــــــــــذاب
حشمة مامثلها يابنت في كــــــل المــــــــــــــــــلا


ما مشت درب السفور ولا ارخصت لبس الحجاب
يوم كل العز دحدر عزها فــــــــــوق اعتــــــــــــلا


بنتنا يابنت كنز ما به أي شـــــــــــي يعــــــــاب
بنتنا يابنت كنز وسط حصـــــــن مقفـــــــــــــلا


من سهام حاولت تفتح لها بــــــــاب وبـــــــاب
من شياطين تمنى لو تحصــــــــــــــل مدخــــــــــلا


حاولو نفث السموم وقالو ان هذا سحــــــــــــــاب
ممطر يابخت بنت من سيــــــــــوله تغســــــــــــلا


ارسلو جيش هدفه يغيّر النظـــــــــــــره وخـــــاب
راح خاسر ماقدر ياخذ من البنت الــــــــــــــــــولا


هذا هو وصف الجمال ان كان عنك الوصف غاب
اشهد ان مابك حلا .. لو كان لك سهم غــــــــــــــلا


وان كانك اعجبتي شباب فمثلهم واكثر شبــــــاب
جازم بان الحلا فبنت الخليج أصل الحــــــــــــــــلا



الشاعر
فواز المهنا