س1 : كم عمرك الحقيقي ؟


العمر ما عندي صدقي وكذبي العمر واحد 37 سنه وعفاك

س2 : ما هو العمل اللي تشغله الآن ؟

ادارة مستوصفات بالرياض وجده

س3 : كم مره في الأسبوع تسافر لجدة ؟

كل سفرياتي عن طريق مكتبكم لا تخاف

س4 : هل تسافر بالسيارة والا بالطيارة ( مبطي ما جيتني ) ؟

الاغلب بالطائره بس اذا شفتني طولت ما جيتك اعرف انه جاني تذكرة منا ولا منا

س5 : هل حصلك موقف في أحد سفراتك وياليت تقولنا إذا حصل ؟

كثيرة هي المواقف ولكن الاجمل فيها هو التعرف على الكثير من الاصدقاء الجدد

طبعاً التاخير عن الرحلات هذه صفه ملازمه لي واسألو بن ظافر كم يعاني مني
والمواقف والله مدري وش اختار لك بس اقلك مره من المرارير
كنت لابس مجهز نفسي من المطار الى اجتماع في الفندق وجمبي واحد طعس
اول ما جانا العشاء قلت في نفسي بيجيب العيد
وخاصة اني شفته اول ما شاف العشاء مسك الشوكه والسكين
وعرفت انه بصير مصيبه
المهم الرجال يبي يقطع لحمه مع الرز الكاري الاصفر
اللى نقطه منه على الابيض الله يعوضك خير في ملابسك
المهم والله اني ما دريت الا واللحمه في قبلي
قلت هذه حاستي السادسه صدقت
وشوي الرجال الا وجاي يبي يرقع بالمنتديل وحاس الدنيا
وهو يمسح صب الشاهي وكمل على الباقي
وارتبش الرجال وانا اضحك بارد
بس يوم تذكرت الموعد قمت شلت باقي الرز وصبيته في قبله
وضحكت الين بغيت اموت
والرجال مستغرب من ضحكي عود يضحك
وانا اذا ضحكت ضحكه هستيريه ما عاد احس باللي حولي واسألو عذب السجايا

س6 : إذا طفشت وش تسوي ؟

اكلم بعض الشباب او اطلع المخيم او اروح للمستوصف

س7 : هل تعرف تطبخ ؟ وإيش الطبخة اللي تحب تطبخها ؟

نعم اعرف الكثير من الطبخات وخاصة المضغوط

س8 : الأكلة المفضلة لك في رمضان ؟


الرطب والتمر بالقشطه ولا انسى الطماطم بالخل والليمون والملح


وإعذرنا على الإطالة بس تخبر من حبي لك كثرت الأسئلة دمت في حفظ الله ورعايته ...

معذور ولا تحب الا من يحبك حفظك الله ورعاك

أسيـــــ الظلام ــــر

والنعم فيك