ديـــرة الــمجــد

الشوق يجمح بي يبي ديرة المجـد
الديـرة اللـي زينوهـا المزاييـن



أهل الكرم والجود والبـدع والـرد
ناسٍ تقول الزين ما تعرف الشيـن



ما تعرف إلا الحب ما تعرف الحقد
والحب يأهل الحب نبض المحبيـن



أنا قتيل اللي حلاها حلـى الشهـد
وسبحانه اللـي كامـلٍ بالموازيـن



العين بحر وتشبه خدودهـا الـورد
والشعر من طوله تغطّى به الزيـن



أشوفها بالليل تضوي سمـا نجـد
وأدعي وأنادي وأصفق يسار بيمين



أنا بعيد هناك وأنتـي تـرى أبعـد
حبيبتي ليت الزمن يجمـع اثنيـن



متى لعينـي يرقـد الخّـد عالخّـد
ومتى لعيني تلتقي العيـن بالعيـن

سلطان بن رافع