لا جيت صوب الورد ودك تلمه
‎
ما تدري إن الورد وده يلمك‎

لا صار بين أيديك وردٍ تضمه‎
أنت تشم الورد وإلا يشـــمك

جوي بقربك ينتعش بك وأشمه‎
نرجس وفل وياسمينٍ يعـــمك

يا بعد كل الورد خاله وعمـــــه‎
يا بعد من هو في عيونه يضمك

كن العسل فمك يغذيه فمـــــــه‎
وإلا العسل معصورٍ بريق فمــك

وإلا العيون اللي لها رماح جمــه‎
من شافهن نوح به الشوف يمك

والشعر الأسود شايل الليل همــه‎
زاده سواد وشكوته لا تهمـــــك

اللي يشوفك باقي الحسن ذمـــه‎
إلا القمر من غيرته منك ذمـــــك

قربك فرح والحزن بيحت دمــــــه‎
محلا سواليفك ويا خف دمـــــك


في ذمتك ..في ذمتك ....قلت ذمه‎
إنتَ تلم الورد وإلا يلمـــــــــــك