بسم الله الرحمن الرحيم ... وبه نستعين ...

يعطيك العافيه عالمواضيع اللي تطرحينها وفيها الفائده باذن الله ...

وسبق ان باركت لك في زواج بنتك في مشاركه سابقه ... الله يوفقها لما فيه الخير .. ويرزقها الذريه الصالحه... ويسعدها وياكم دنيا واخره ..

بالنسبه لكلامك عن الزواج المبكر للشباب والبنات انا من المؤيدين له لكن مو على كل حال ... ومو اي شخص ازوجه بنتي .. يعني اذا جاء شاب ربي معطيه وفيه الخير وبيقدر البنت وبيحترمها ليش ما ازوجه ... والبنت اذا كانت عاقله وفاهمه اللي لها وعليها ... فالله يوفقها ويسترها دنيا واخره ...
مو شرط انت البنت تتجاوز السن الفلاني لان فيه بنات بسن 14 و 15 وما شاء الله عليهن كأنهن بسن 25 وهذا دليل التربيه الصالحه وبالذات من الام لانها هي الاقرب منها..

لكن بعض البنات تشترط المواصفات الفلانيه في الزوج ... يعني تتشرط لاسباب يمكن تكون غير مقنعه ... ويمكن لو حصل لها نصيبها مع الزوج اللي كانت تبيه بالمواصفات اللي تمنتها يكون مصدر عذابها .. ويوريها الويل .. ولو رضيت بصاحب الدين كان من الممكن تعيش في سعاده بغظ النظر عن الماده ..

بالنسبه للشباب... اكثرهم ربي مسهل عليه ومعطيه سواء وظيفه او راتب او اي دخل ... واذا سألته ليش ما تتزوج ؟؟ قال خلني اتهنى وافلها ... قبل ارتبط ولا عاد اطلع الا ورحلي برجلها .. خلني انبسط ...
طيب ياللي تقول هالكلام ... لو تتزوج بدري راح تنبسط وراح تفلها وراح تتمشى ... وبدل ما تتطالع في الجدران تطالع في وجهن يستاهل ... يعنى هذا الزواج ما راح يعوقك عن شي .. والاهم انك تكمل نصف دينك ...
مثل ما قلتي يا بنت بني شهر ... الزواج المبكر له فوائد ويمكن له مضار لكنها نادره اذا كان الزوج او الزوجه متفهم ...


الله يرزقنا ونكمل نصف ديننا ...

أسف عالاطاله ...

تقبلي تحيات أخوكم / صقر صدريد ..