بسم الله الرحمن الرحيم ...

الحمد لله ... والصلاة والسلام على رسول الله ... وبعد ...


بنت بني شهر ...

أولا / مبروك زواج بنتك والله يوفقها ويسعدها دنيا واخره ...

ثانيا / تقولين انك مستعده تبحثين عن زوجه مناسه لزوجك ...

هل عملك هذا على انك تسعدينه ؟؟؟؟

اذا كان انك تبحثين له عن السعاده ليش ما تكوني انتي الوحيده اللي تستطيعين اسعاده وبالتالي ما يدور ولا يفكر في غيرك ...


لكن اذا فيه شي ثاني خلاك تحاولين تزوجينه .. فالله يوفقك ولا يجي يوم ويجحد جميلك معه .. لاني اتوقع اللي يتزوج على زوجته وبرضاها انه راح يجي يوم وينسى جميلها ولو صار شي قال انتي الموافقه وانتي اللي بحثتي لي عن العروس ...

ما اقول لا تزوجينه .. لكن اقول فكري بعد كم سنه ؟؟؟؟ راح تكوني زي زمان لما كنتوا لحالكم ... لا اكيد راح يتغير عليك .... ويا حظك بالمشاكل الا ان يشاء الله ..

اما مسأله تعدد الزوجات اللي اخذتيه مدخل لموضوعك وتمهيد ... فلي وجهة نظر فيها والله يستر لا يزعلون علي الموجودين وباوقف في صف النساء ذا المره ... وجهة النظر هي :

اذا زوجتي مسعدتني ... ومدلعتني ... ومريحتني ... وتقوم بجميع الحقوق ... وتؤدي جميع الواجبات تجاهي ... ليش اتزوج عليها حتى لو اني مقتدر من جميع النواحي ... يعني في النهايه عندي قلب واحد وماني مستعد اقسمه على 2 او 3 او 4 ... راح اسلمه لوحده وان شاء الله انها تكون تستاهله ..

وشوفوا اكثر اللي متزوجين اكثر من واحد .. تحصل المشاكل الا ما ندر ... بعدين انا تزوجت عشان استقر ... عشان كذا الله يرزقني بوحده تقول انا ...

أما اذا فيه عارض ويستوجب اني اتزوج عليها فهذي فيها نظر من عندي ... يعني يا اسرحها بمعروف ... او اذا اني احبها واموت فيها فما راح اتخلى عنها عشان امر قد كتبه ربي علينا .. وراح نصبر الين الله يفرجها ..نفضى لانفسنا ههههههههه..

عموما تعدد الزوجات ما فيه اي شي لكن مثل ما قلت ... انا عندي قلب واحد ...

ارجع واقول يا بنت بني شهر ... الله يكتب اللي فيه الخير ...


هذا اللي عندي وخير وصلاة عالنبي ..

عنوان المشاركه //////

(( يا فرحتي بزوجي ))

اييييييييييييييييييييه ... طيب ادعوا لنا بالزواج ...


تقبلي تحيات / صقر صدريد ...