بما ان امس كانت الجمعة اكيد انه عندي لكم احداث مهمه حصلت لي اولا اخوي الحبيب اخيرا فضى لي وبيوديني السوق بعد ما رجع من صلاة التراويح قالي يالله اطلعي يا الدبه (كذا قالها ) ما فيه احترام مب كأني اكبر منه المهم عاد انا بتشقق من الفرح بطلع من البيت لا وبعد بروح السوق يعني عيد المهم يا فرحة ما تمت واحنا نركب السيارة إلا واتصال يا لاخوي اثاري ربعة يايين من بوظبي وقالوا بيمرونه البيت يتقهون عنده يعني شوه يعني يا الوفاء الدبه بعد ما يطلع ربعي بنروح السوق تراه ها الايام رمضان يعني السوق يطول لحد ما يقفل المهم انا طبعا زعلت ومديت بوزي شبرين لحد ما وصل الشارع الثاني من بيتنا ههههههههههههه

المهم دخلت الغرفة وكله ادعي يا رب يروحون بسرعة وما يقعدون يا رب حرام والله جاهزه للسوق شوه هاه ما عندهم اتكيت كانوا يتصلون من قبل بدل ما كسروا خاطري الحين هههههههههههههههه

المهم بكمل لكم الاحداث بعدين امي الحين تناديني اساعدها في المطبخ عندنا بعد ضيوف اليوم ....


يالله بااااااااااااايات



?