حبيبي دنيتي بعدك حشى ما يعيشها إنسـان
.. . . . . . . . لقيت الهم والغربـة على دربـي تخاوينـي
لقيت الهم و التفكير يعاندنـي مع الأحـزان
.. . . . . . . . ترى ما غيرك إنسانٍ بهالدنيا ملـى عينـي
تعالي ياشذى العنبر تعالي يا شذى الريحـان
.. . . . . . . . تعالي نوري دربي تعالي يا أجمـل سنينـي
أنا حياتي بدونـك لوحـةٍ مالـهـا ألـوان
.. . . . . . . . ترى ياما تمنيتـك تجـي وتشوفهـا فينـي
أنا حياتي بدونـك قصـة مالـهـا عنـوان
.. . . . . . . . تعالي اكتبـي عنوانهـا ياغـلا واحتوينـي
تعالي أسولف لك عن اللي مضى بدنيتي وكان
.. . . . . . . . تعالي أسولـف لك عـن هـمـومٍ تعنينـي
أنا جروحي وسط قلبي لها فتره من الأزمان
.. . . . . . . . تعالي عالجي جرحي ترى قربـك بيشفينـي
ورسمتك لوحه بقلبي رسمها مبـدعٍ فنـان
.. . . . . . . . لقيت ألوانها ليـلٍ بكل إخـلاص كاسينـي
وترى حياتي بعدك حشى ما عاشها أنسـان
.. . . . . . . . تعالي كملي المشوار معي في باقي سنينـي
|