فال الله ولا فالك كله ولا وردة المنتدى سما

بعدين والله صدقت ما فيه حد يحط يومياته الحلوه غيري وغيرك شكل المسكت اول ما حط الموضوع حجز لك ولي فيه ونسى يحجز للباقين هههههههههههه

وبعدين اعزمك وتقولي بعد تبا تذكرة اقول تبا تي بالسيكل تعال تراه ولد جيرانا خلاص بعد سيارته عشان توقف سيكلك العجيب

المهم امس شوه الاثنين طبعا امس بعد صلاة العشاء جلست اقرأ قرآن وبعدها قلت خليني اطلع اطالع اخوي يمكن يوافق ويحن يطلعني حاسة طفرانه (ملانه يعني )

طلعت دخلت الغرفة إلا والبخور معبي الغرفة والعطور والحالة وهو واقف على المراية حشا اخوي يكشخ اش السالفة والعصر كان في الحلاق فيه ان في الموضوع .

الوفاء : على وين ؟؟

اخوي : على حمر عين خخخخخخ (طالع عندج مانع؟؟)

الوفاء : افا انا عندي مانع لا يا خوي بس حلو ما دامك طالع انا بعد بطلع وياك خليني اروح اجهز .(اعزم نفسي بنفسي بس الملل شو اسوي كل خواتي مشغولات عندهم امتحانات ما فيه حد اكلمه )

اخوي : لا يا حياتي الغالية انا مواعد الربع تبين تروحين وياي مع ربعي يعني؟

الوفاء : كل ها الكشخة والعصر الحلاق وتقولي ربعك علي يا بني دنا اختك عجناك وخبزاك كمان لا صدق قولي وين رايح ؟؟؟

اخوي : ماني قايل لج موتي من الحرة طالع بعدين بدل ما واقفة تطالعيني كذا حياتي روحي لمعي نعالي تعرفين انا اخوج لازم اكون انيق ومرتب وحليو بعد يالله عافية على الحلوين.

الوفاء : انا الوفاء المع نعالك اقول روح اللعب بعيد

اخوي : تصدقين اليوم بالذات مب خاطري اللعب بطلع هههههههه

الوفاء : يا دمك يوم تنكت اقول دير بالك على الدم الخفيف لا تطير

اخوي : انا اليوم بصراحة بطير بطير بالدم الخفيف او من دونه اقول قبل لا اطير روحي هاتي كوب عصير وحطي فيه ثلج وايد لا تنسين هاه لناس عزيزين على قلبي احس ان حرارتهم فولت (طبعا حضرتي المقصودة)

الوفاء : معليه يا خوي خلاص بحرمك من الميراث روح وانا زعلانه عليك

اخوي : لا ارجوك اليوم لا تزعلين علي وبعدين حرام عليج لو حرمتيني من الميراث كيف بعيش انا اقول يالله باااااااااااااااااي توصين شئ؟؟؟

وطلع وخلاني اضرب اخماس في اسداس طبعا الفضول يقتلني لازم اعرف وين طالع اخوي اتصلت عليه بالمبايل اقول لا تتأخر زين وله تراه بنقفل باب الحوي عنك .. اخوي حاضر ماما ما راح اتاخر اقول انتي لا تنسين اشربي اشياء باردة وايد اليوم تراه الحرارة شكلها ارتفعت وايد عندج يالله خليني انتبه لشارع تراه نسيت سماعاتي في البيت يالله باااااااي


وبس جلست بحرتي لحد ما رجع اخر الليل حشا مسويه معسكر في الصالة هههههههههههههههه


المهم اليوم الثلاثا 11/11/2003م الساعة 2:29 دقيقة الظهر المهم كالعادة بعد ما صحيت قريت قرآن وبعدها يبت كل المراجع اللي يابتهم لي اختي عشان اسوي لها بحث ( والله مستغلين طيبتي في البيت )

والحين دخلت النت اطالع الجديد