والله كسرت خاطري يا الهاشم يا حرااااااااام

اقول خلاص جهز سيكلك وتعال افطر عندنا اليوم شو رايك تراه بلدنا مب بعيده عن السعودية يعني بالسيكل يمكن اسبوعين asdr)

المهم بصراحة امس الجمعة كانت عندي احداث مهمه جدا امس بصراحة صرت ام عن جد (كيـــــــــــــــف؟؟؟؟)

الساعة 11 الصباح اتصلت علي خالتي وكنت راقده

خالتي: الو الوفاء شوه راقده حشا ما تشبعين رقاد

الوفاء : خالتي والله راقده متأخره امس خير اش عندج اش ذكرج فينا؟؟

خالتي : انا بسير دبي

الوفاء : الله يحفظج خالتي انا موافقة خلاص سيري بس لا تتاخري(اتمسخر طبعا)

خالتي : تتمسخرين يعني ؟؟

الوفاء : ايه والله العظيم داقه علي تقولين لي بسير دبي نزين سيري انا ماسكتج تراه ريلج بيوديج وله تبيني اوديج يعني؟؟؟

خالتي : لا طبعا زوجي بيوديني (قلبي ويهج ) بس اريد اخلي ولدي عندج عشان تعرفين ما يصير اشيله وياي وانا سايرة السوق

الوفاء : خلاص اوكيه هاتيه وامري لله(طبعا ولدها عمره ثلاث شهور وكم يوم )

خالتي : بيبه بس تديرين بالج عليه وتهتمين فيه ولا ترقدين عنه

الوفاء : طرار ويتشرط اوكيه خالتي هاتيه ما مشكله خليني ارقد لحد ما توصلين حضرتج ممكن يعني ؟؟

خالتي : اوكى نص ساعة وبنكون عندكم بس اقول قولي لامج تتجهز تراها بتسير وياي

الوفاء : (والله وهجه يعني امي بعد بتسير وياهم دبي وانا على بالي افر ولدها عن امي واكمل رقادي ) اوكيه خالتي زين يالله باي (ضاعت كل مخططاتي لا حول كان خاطري اروح السوق اليوم )

المهم طبعا يابت خالتي ولدها اقول سوي له الحليب طبعا ماي دافي وديري بالج على ولدي ولا ترقدين عنه ولا تخلينه على السرير رقديه على الارض ولا تخلينه بروحه في الغرفة ولا تخليه يصيح ولو صاح غني له

الوفاء : اوكى خالتي بس سالفة الغناء بصراحة ما اوعدج فيها لانه بصراحة ما ادري منو بيغني للثاني اخاف انه هو يبدأ في مواوله المعروفة طبعا (الصياح طبعا هههههههههههه)

يا سلام اول شئ كان حبوب وهادي ستانست وياه وطول الوقت كان ساكت لا بعد الدلوع ما يحب يرقد لازم تجلسينه على حضنج (دلوع) بس لمه حزت وقت الفطور ابتداء مشواره الفني ولد الخاله وبتدى هو يقسم يغني اجمل الالحان ما عرفت افطر يا دوب كلت تمر وكوب العصير ونشيت ما عرفت اجلس فيه طيب والصلاة يا ولدي شو اسوي فيك المهم الحبيب عطيته الحليب ماله وسكت صليت وجلسنا نطالع مع بعض قرقعان المهم يعني مارست الامومه عن جد بصراحة وحلفت اني بعد الزواج اتم عشر سنوات ما ايب اولاد إذا كانوا الاولاد حبوبين كذا مثل ولد الخاله (العكس طبعا)

متى عاد وصلت الخاله ويا امي الساعة 12 بالليل يا سلام بعد ما كان ولدها جنني بمعني الجنون فعلا اول ما وصلت فريت عليها ولدها طبعا كان راقد الحبيب قلت لها هذا ولدج لو ما ناداني امي بعد اليوم لا اعرفه وبتبرى منه وخالتي مستانسه اشترت اللي تباه للعيد الغاليه وانا اللي مفروض انه يوم الجمعة اروح فيها السوق راحت علي (لنا رب اسمه الكريم) وحكيت لها يومياتي ويا ولدها العزيز..........

بس بصراحة والله بعد ما خذته وراحت حسيت بفرق كبير اشتقت له وايد

اليوم عاد شوه... ايه السبت 8/11/2003م الساعة 12:23 دقيقة الظهر طبعا بتوقيتنا صحيت من الرقاد وطبعا قريت قرآن والحين دخلت اطالع المنتدى اش الجديد فيه..


يالله بااااااااااايات


الوفاء?