ابو بندر
اول مره زرت الديره كان عمري 12 وقعدت مع مع جدتي الله يرحمها ويسكنها الجنه وقلت لها تقول لي اش يسوون من الصبح الى الليل
فعددت لي شغلات تبدا من قبل اذان الفجر الى بعد اذان العشا
وغير المواسم اللي فيها صرام والا حرث والا سقي الا حماية الزرع ورعي الغنم وحلب البقر وكل الشغلات اللي تتكرر كل يوم
وبعدما خلصت قلت لها هذي حياتكم ؟
قالت ايه قلت النهايه اللي بتحصلون عليها بعد هذا العذاب وش هي قالت شوية حب نشيله وسمن ولبن ناخذه من البقر
لا والا نكد من كذا ان السمن والعسل والبر ينشال للضيوف وهم حدهم شوية غريضه ولبن مخفف

قلت لها ببراءه وصدق والله ومن قلبي ليه ماتنتحرون احسن ؟

غير شغل الرجال اللي يشبه الدوران في دوامه

حياتهم كانت صعبه وهم نفسهم ماتحملوها واول ماجاتهم فرص لتغييرها غيروها وبشكل غير طبيعي وبنظره واقعيه شوف كل بيت فيه شغالتين على الاقل للبيت وحده وللعجوز وحده تعوضها عذاب السنين


لو لاقدر الله تغير الحال صحيح بنتعب لكن حب الحياه بيجبرنا اننا نتحمل ونسوي اللي مايتسوى

السؤال
لكم ياايها الرجال

لنفرض فرضا انه عادت الايام الى ماقبل استعمال السياره وما اقول الى الايام الخوالي
لكن تخيل انك في ذا الحر وبتروح للعمل بدون سياره وبتقضي للبيت وبتودي العيال للمدارس والمريض تشيله على كتفك
ووو الخ
بتتحملون ؟


الله لايغير علينا