افا ياجرح لاتبكي ترى كل الجروح تطيـب
ترى كل البشر يخطـون ونتحمـل خطاياهـم

؛؛؛

بكينا واندفن فينا حزن اصدق مـن التكذيـب
بكينـا بكـل مافينـا وفيـنـا والـعـذر منـهـم!!!

؛؛؛

لقينا ناس فيهم قلـب ونـاس فنونهـا التعذيـب
ولـكـن مانـقـول : الأه ولانتـعـب مسامعـهـم

؛؛؛

وسافرنـا فـراق الهـم لقينـا الهـم فينـا عـيـب
وواصلـنـا مسيرتـنـا وكـــل قلـوبـنـا مـعـهـم

؛؛؛

نخبي اجمـل الاهـات ولانرتـب لهـا ترتيـب
وتاخذنـا سنيـن العـمـر ونتحـمـل خطايـاهـم

؛؛؛

كذا ياجرح هالدنيا سهولتهـا مـن التصعيـب
حلاوتهـا فـي قساوتهـا ولكـن عيـب نعلمهـم

؛؛؛

تانبنـا ضمايرنـا ولا نلقـى ســوى التأنـيـب
مصيري او مصير اللي بيخطي لو يجاملهم

؛؛؛

صحيح قلوبنـا تعبـت ولكـن اجمـل التعذيـب
عذاب اغلى البشر لاصرت تتعذب لراحتهم

؛؛؛

	يارب سبحانك اذا اذنبت واخطيت فانا بشر ماني من الذنب معصـوم استغفـرك يامـن لــك الـيـد مـديـت يالي بوجهـك ينتصـر كـل مظلـوم