ياروح روحي يا بعد كل الخلائق والديــــار =يا نسمة الغربي ويا ريحة زهور الياسمين
يا طيب جاوى يا بخور عمان ولا زنجبـــار = يا سلوة الخاطر إذا ضاقت صدور العالمــيـن
يالؤل يا ياقوت يا مرجان في عمق البحـــار=يا شهد يا تمر الحساء ياقطرة الصافي المعين
ياروح روح اللي يعانقها الحياء بعد الوقار=يالعاقله يالراقيه يا قدوة أصحاب اليمـــين
أنتي جمالك داخلك ما هو جمالٍ مستعــار=وأنتي ضميرك حي ما ينظر لكيد الكايـدين
هذي صفات قلتها توخذ بعين الإعتبــــار=صفات بنت عاقله معروف معدنها ثمــــين
الله عليها كيف تجبرني على ذاك المســار=اللي تمناه الكثير وعاد به صفر اليـــــديـن
حقيقة بانت لنا كالشمس في وضح النهـار= بينتها وأكيد غيري والمشاهد قال فـــــــيــن
وأكيد لي طبع يميزني وهذا لي شعـــــار=ما أبين اللي داخلي حتى بظرف الحاجتيــن
واليوم بأعلنها لها تأكيد من بعد إنتظـار=والله ما أحمل داخلي غشٍ ولا أحمل نيتيــــن