ماني مجازيك في صدك وهجرانـك..........ودعتك الله وتلقى واحدِ ثـــــــاني

اتعبت الأعيان والأقدام من شــانـك..........وانته ولاشي سويته على شـــاني

فزيت لك يوم قلت اسمك وعنوانـك..........لوكان ماتنتمي لاسمي وعنوانــي

ماجيت ادورك والا أطق بيبانــــك..........والا اترجاك مثل فلان وفلانـــــــــــي

انت الذي جيت لي وأعلنت بلسانك..........انك على شوفتي جايع وعطشاني

صدقت هرجك يالوما اثبت برهانك..........واقبلت لك مندفع من كل وجدانـــي

ماكنت افكر يجي في يوم نسيانـــك..........وانساك وانته معاهدني ماتنساني

الابعد ماكتشفت الغدر باعيانــــــك..........قررت أوادعك وانسى كل مــاكاني

خلاص ماني بمتعني على شانـــك..........ودعتك الله وتلقى واحدِ ثـــــــــاني


للشاعر / تركي الميزاني

ddfrad")