يجينا الصيف وننتظره وإذا عدى نبيه يعـود*******ونفــرح به إذا جانا نقـــول الصيــــف لا يعـدي

نحسب حسابنا بدري نفكر في الليالي السود*******نفكر كيف نستانس وكيف نجيـب ونـودي

ندور للوناسة وين..شباب وقدهـا وقـدود*******نسولف مع نجوم الليل ذوات المبسم الوردي

نغير موجة اللهجة حسب جنسية الموجـود*******مابين شكون وعاوز إيه وشو بدك وما بدي

بعضنا فلوسه كثيرة وبعضنا بين نقص وزود*******وبعضنا مسافر بسلفة وفيزا.... بس متحدي

يبي ينقط على هذي ..يلبس ذيك عقد ورود*******يضحكها وهي تضحك عشان يقول من قدي

يظن انه ملك دنياه وودع حظـه المقـرود*******وما يدري انه بوضـــعه غدا في حـــــــال متردي

يفاخر بالخطايا اللي ترده عن خطاوي الجود*******يضيع نفسه بنفسه ..... يظن انه بعد مقدي

غلط والغلطة بعشرة لرجلٍ يعرف المنقـود*******خطا وأكبر خطا و الله أضيع نفســـــي بيــــدي

مدام ان العمر يمشي وتالي هالجسد للـدود*******أجل بالله وش وضعي إذا حطوني بلحـدي؟

للشاعر / فيصل اليامي

ddfrad")