اليوم الاحد التاااريخ ما ادري عنه احس اني مدخدخ وانا اكتب
اصبحت الصبح وهرووووله للدوام وجيتهم متاخر بعد
بالقوووه افتكيت منهم المهم ما طلعت من الدوام الا قبل العصر بشوووي
حركت على شقتي وهاتك قربعه في القدور والمواعين
ابي اسوووي فطور متعيجز اصف طابور من كثر الزحمه اللي على المطاعم
جبت قدر وش كبره ماخذه من اهلي ما يبوونه وهاتك يا احلى تكشينه وصفه ولا احلى الى حد الان ما حددت وش اطبخ
التفت يمين لقيت علبه كويكر شووربه مدري كم صاير لها عندي الظاهر من رمضان اللي راح قلت زين والله شوربه ولا احلى
حاولت اقرى وصفت الطبخ اللي على العلبه لقيته يوووصف لي طبخه فيها باذنجان وايدامات وانا ما احبش الباذنجان واصلا الثلاجه ما فيها غير حبتين موز وتفاحه وكتورن برتقال وكيس بصل ونص كرتون طماط <<<<باقي اعلمك وش في دولاب الملابس خلووها مستوره
المهم حاولت اخترع عجزت القى طريقه قلت مالكش غير ام سيكا تعلمك
دقيت تلفووون والظاهر ماهم يمي بالمطبخ يحظروون فطورهم
قلت ما بدهاش سووووي اللي تعرف والباااقي على الله وهي ماكوله ماكوله الله لا يعوووق بشر
جبت لي كاستين مويه وحطيتها بالقدر على التكشينه والحركتات
حطيت قطعتين ماجي وربي ما ادري وش فايدتها بس اشوووفهم يحطونها على الاكل دايم
وقمت اقلب واقلب في هالشوربه واطالع الا وانا ناسي احط الكويكر
قمت نتفت العلبه وكبيت ما فيها بالقدر فيها اكثر من النص اشوووي
خليتها حوالي ربع ساعه مره احرك ومره ازين قهوه ومره ازين عصير فيمتو وربي حوووسه
حسيت ان الشكل الخارجي مزبوووط والرائحه شهيه
اذن المذن وتعالو شوووفو سفره عزوووبي عازم له واحد نفر عزوبي
ست حبات سمبوووسه من حقت اليوم اللي قبله كانت بالثلاجه سخنتها وحطيتها
العصيرات انواع ولا شربنامنها شي فيمتو وبيبي حتى عصير مشكل حطيت
باقي فيه شووويات من حلووويات جايبها من الدونات نقنقنا عليها
الشووووربه وربي طالعه جريش ما ادري وش تبي قام يطالعني خويي يقووول ما شااء الله تعرف تسوووي جريش قلت له كل واحكم
اول ما اكل قال انت وش حاط كله طحين ما درى ان العلبه كلها بالقدر
ادهرنا بالتمر والقهوه وكل شي زي ماهو
بالاخير طلبنا فطاير من اقرب مطعم والتوصيل على الذمه
بس اللي قاهرني يوم افطرت كم اطالع بالمطبخ واشوووف الحوووسه اللي فيه وربي انعل كبدي
واطلع والقى لي بنقالي في الحاره قلت له يبغى عشره ريال ابو الشباب ما صدق وهاتك تلميع للشقه كامله
وبعدها توبها لا طبخ بعد اليوم
مجرد يوميات لعضووو
|