رد: اسبوعين ماراح المدرسة؟
اخت تحسين
تتساءلين عن دور المدرسه ؟
بصراحه مالهم دور
وش يعني لو غاب طالب ؟
المدرسه الخاصه اخذت القسط كامل ولو ما اخذوه مارح يسلمون اوراقه الين يدفع يعني بالنهايه هم يهمهم الكاش
المدرسه الحكوميه ممكن يفقدونه يوم والا يومين وبعدها ينسون انه كان موجود خاصه لو كان كسلان ومن الاطفال اللي مالهم مزاج في الدراسه
اتصلي على اي مدرسه وناقشي المرشد الطلابي وشوفي ردة فعله
ولد واحد من اخواني في الصف السادس في مدرسه خاصه جايب افكار من المدرسه : يقول لامه ماني رايح معكم مره الثانيه السوق انتي واخواتي الين تلبسون عبايات زي الناس
الام ذهلت واستغربت اش بها عباياتنا
قال تمشون مثل النينجا وانا بصراحه ما احب اشكالكم ( الام وبناتها يلبسون النقاب )
بعد نقاش طويل معه عرفت ان زملاءه في المدرسه يقولون ان الحريم في عهد الرسول ماكانوا يغطون وعلشان كذا الحريم اللي يغطون هم زي اكياس الزباله ( اي والله قالوها ) وهم مخالفين للرسول ومتشددين وكلام مرعب
اتصلت الام على المشرف وشويه وتدخل تذبحه تقول له الولد افكاره متغيره والناحيه الدينيه عنده متدهوره وووو ولا نتيجه الا انها قررت انها تكثف التوعيه في البيت والسنه الجايه بتوديه مدرسه حكوميه لعل وعسى
الاهل احيانا تكون ظروفهم هم بحاجه الى دراسه ومن خلالها تتعالج حالة ابنهم
يعطيك العافيه وسامحيني على الشطحه اللي قد تكون بعيده عن موضوعك
|