السلام عليكم ورحمة الله وبركاته

كنت اتكلم انا وجارتي الساعة عشرة صباحا بالتلفون

شوية دق جرس الباب
مين؟

انا فلان ولد جيرانكم ابغى الكورة حقتي طاحت في حوشكم

طفل عمره 12سنة

سلامات عليك ليش غائب عن المدرسة ؟

قال تعبان شوية ما قدرت اروح اليوم

دخل اخذ كورته وطلع

(تعبان ويلعب كورة وين تصرف هذه ؟) طفل لا يؤاخذ على كلامه

رجعت اكمل مكالمتي وقلت لها على الطفل

قالت اصلا له اسبوعين وهو يلعب كورة في الشارع وما يروح المدرسة وانا اشوفه من الدور العلوي

يوم سألت امه قالت يقول ما يبغى يروح ؟ عجزت فيه انا وأبوه (والكلام للجارة)



السؤال لمثل حالة هذا الطفل إذا أمه وابوه عجزوا فيه فعلا



ما دور المدرسة تجاه مثل هذه الحالة ؟



هل يحق لذوي القربى والجار الجنب التدخل في مثل حالة هذا الطفل ؟