طلبتك يمه هاتي لي عروسه ؟؟؟


يجينا الفرج بكرا يا بنتــــــي بـــــــس .. لا تبكين
انا مااستحمل .. دموعك وهمساتك تبـــــــــكيني

نشف دمعي على خدي يا بنتي من .. ثلاث اسنين
وصارت كل آلامي تعيش .. وتلتــــــحم فيـــــــني

يا بنتي .. احبسي دمعك دخيلك اكتميه الحــــــين
حرام الدمعة في عينك تعانق ماضي .. سنــــيني

تعالي واحظني فرحي وقولي للفرح .. اهلـــــين
وخلي حزنك بقلبي دخيلك .. يابعـد عيـــــــــــني

اشوف الدنيا بعيونك واشوف الفرحة بك يا زيـــن
وانا مالي سواك إنتِ وإنتِ شمعة تضـــــــــويني

علام الهم في قلبك يابنتي ليه .. ماتحكــــــــــين
ابيك تكسري همك وانا امك قولي حاكيــــــــني

يايمـه [ حالتي صعبة ]انا.. والفقر صرنا اخويــــن
اعيش بظلمة همومي والاقي الهم .. يكويــــــــني

معاقة يمه من صغري معاقة تشتكي حق مــــــين
مدام ان البشر تنظر لحالي بعطف يعميــــــــــــني

اناظر هالبشر واسال ..انا وش موقعي الحيـــــــن؟؟
وش اللي يميز الأعمى عن اللي .. شوفهم زينــــي

فقيرة حظ يا يمـه وحالي تعمـــــــي العينـــــــين
من اللي يعشق ويهوى معاقة حظها .. شينــــــي

سألتيني .. وش اتمنى يايمه منــــيتي شيـــــــين
يكون الفرح اولهم بعدها .. تعيش رجليـــــــــــني

انا ودي ومنا عيني يكون لجسمي .. بس رجلـيـن
تساعدني على برك وبرك غايتي وديــــــــــنـي

يا ليت الناس ترحمني وترحم .. حالة المسكــــيـن
ولا تجلس تناظرلي بنظره تجرح سنيــــــــــــنـي

تلاقين الفرح .. مظلم ونور الحزن وسط العـــــين
وألاقي الهم والحسرة .. وسمها الوقت بجبينـي

معاقة يمه قوليلي علامك .. ساكتة تبكـــــــــين
كلامي ازعجك ادري وادري الدمع يشكيــــــني


دخيلك يمـه لي رجوة مدامك قادرة تكفــــــــين
ابي لي لعبة يا يمه تكون الصادقة بعيــــــــني !!

طلبتك يمه هاتي لـــي عروسة مالها رجلـــــين


اعجبتني فنقلتها لكم لما تحاكي في طياتها من امور ؟؟