ياسلام الله على محفل عمومـي=عد ماهلـت هماليـل المخايـل
قم يابن ثايب عسى حظك يقومي=شفنا نلعب معك والشك زايـل

ياسلامي عند شيخان قرومـي=غمرهم في شان مايذكر محايل
ياحمدهـادي ندورللعلـومـي=لكن العساس يبغي له دلايـل

انت قرم جعل تفداك الرخومي=حاسبك بالفعل ترقى كل طايل
مالقيتك كون مدعي ومعزومي=غير تدري وين عنوان الرسايل

يسلم ويبقى من يسـد اللزومـي=والفلك دوار لا سقنـا الرحايـل
الرجال اصناف معطى ومحرومي=لا تحب اللي على درب الحبايـل

ياسلامي سلام يشرح الخطار=ياهل الحفله اللي صيتها عالي
انت وانا بغينا نضرب المزمار=لكن الوقت غشـاش وميالـي

الهجوم المثالي ماسبقـه انـذار=مير انا احول في زحماتها حالي
انت شاطر وخلق الله بعد شطار=ماتعصي علي ياطيـب الفالـي

اسمك الشاعر اللي يضرب الشعار=غيـر ذااليـل لابـول ولا تالـي
انت وش لك معي تقتصـي بثـار=قمت تعتـزي برجلـي وخيالـي

انت لا تعرض الموتر بخط الجار=وانت لا تلـف يميـن وشمالـي
اعرف الدله اللي جت بدون بهار=والمعاني تصير اقصار واطوالي

القضيه وراهـا يازميـل اخطـار=غير خلك حكيـم ودايـم اموالـي
ويح راسك على طرقـة المسمـار=لين تدري ان معك في الحفل رجالي

انت وينك شعار الجنوب اخيـار=غير ماجوب ضيفك باشهب اللالي
ودنا لبن ثايب يضـرب الزمـار=والمعاني نخلـي سعرهـا غالـي

اسروا ولا ترى السكه على الجزار=ضيفك العام جاك وزبن الجالي
من نزل في البحر ياخذ من المحار=والبشر فيه عقالن وجهالي