الحمد لله من فضل ربي
اليوم فايق ورايق
من صباح الله خير داومت الساعه سبع الصبح لحد يشك بدوامي في رمضان على طلبي ترى خرجت من الدوام 11 ونصف قلت ما بدها ياولد
مر السوق دورلك شي يعجبك مع الفطور من نعم الله ودايركت على سوق الخضار والفواكه عاد اموت بالفواكه اذن الضهر وانا بالسوق صليت وطلعت
وما خليت محل ما دخلت ياهم استغلاليين بشكل يعني مثلاً الكيلو قبل رمضان باربعه ريال اليوم ب12 ريال انا لله ما عندهم خوف من الله
اخذت اللى اخذت ودايركت على البيت مريت من اشاره الله العالم خابرها فلشر يعني تهدئه بس مو شغاله الاشاره اثاريهم بنفس اليوم اعتمدوها اشاره ضوئيه ومراقبينها المرور وانا جاي على العاده ما طالعت في الاشاره واقص ابوها عشره متر بعد ما عديتها الا والحكومه على جين ياصاحب الكابرس
بكل ثقه وقفت ولا علي فيهم جاني العسكري قال رخصه واستماره قلت الاستماره هاذي هي والرخصه يفتح الله منتهيه ومطوله والله مالى وجه اطلعها لك ابسوي نفسي يعني من العيب اطلعها مطوفه عشر سنوات قال اوكي مختلفنا ليش تقطع الاشاره قلت صل على النبي قال اللهم صلي وسلم عليه قلت اي اشاره قال ذي ويشعر عليها عاد ماني بعيد عنها ولا 15 متر اطالع الا والله الاشاره حمراء واني اضحك قال وشبك قلت متى اشتغلت قال اليوم قلت والله ياخي لو تسأل الشارع ذا عني تلاقيه يعرفني ما عمري طالعت بالاشاره اهدي واطالع بالتقاطع واعبر
يسرها الله وشاف اني صادق وقال انتبه ثاني مره قلت جل همك راح اسوي مقاطعه مع الشارع ذا
ومشيت من عنده ودعسه نومه الى العصر وصحيت واخذت بعد الصلاه
كم لفه عاد تصدقون رجعت للاشاره اتأكد منها هههههههه
|