الحين جيت تقول لي جيت مشتاق؟؟
الحين تسأل عن سبايب غيابي

خانوك أحبابك و فكرت تشتاق
والا على الطاري ذكرت الوفا بي

يوسعك صدري مع همومك و لا ضاق
وَ لا وسع صدرك هواي أو درابي !!

عفت المشاعر والقصايد والاوراق
وقفلت عقبك عن هوى القلب بابي

قد جف نبع الحب مبطي بالأعماق
وارويته بدمعي إلين امتلابي

لا تحسِب اني بوهبك فايض اشواق
ماعاد عندي فايض الا عتابي

ما كنت لك إلا للأسقام ترياق
وما كنت لي إلا حكاية عذابي

ترجع تزيد الجرح توثيق وخناق؟
والله فلا اضيّع عليكم شبابي

خوفي الى من لفـّت الساق بالساق
ألقاك انت اللي تعســّر حسابي






ddfrad")