مساء الخير للحلوين

وكل سنه وانتو بصحة وسلامة

المهم اليوم شوه اكيد الاحد التاريخ 26/10/2003م الساعة 7:44 دقيقة بتوقيتنا (على فكره الهاشم انا في قارة اهلي ههههههههه) المهم اقول لكم يومياتي المميزة

اولا انا مستانسة وايد وايد وايد عشان باكر رمضان والاهل بعد ما شاء الله عليهم اما عيال الجيران ويا خواني الخبلان يجهزون الملعب حقهم عشان دوري رمضان طبعا والحين يمدون كهرباء من بيتنا عشان الملعب واليوم يعني ما فيه رقاد سهر لصبح ..

اما الخبر السئ الذي عكر مزاجي فتره هو ان ولد جيرانا المحترم دعم قطوتي
ويات الشغالة غرفتي وكنت اصلى المغرب حشا ما عرفت اصلى وقالت لي الخبر السئ طبعا نزلت اطالع شو السالفة وحصلته يحليله مب عارف شو يقول او يسوي بس الحمد لله القطوة بخير اطمنكم يعني بس شويه كسور ورضوض ههههههههههه لا ما فيها إلا العافية بخير يعني كم يوم بتتحسن ان شاء الله ...

والخبر الثاني اللي عكر مزاجي اخوي اللي مقدم على اجازة يا حراااااااام ومفروض انها تبتدى من باكر بس حالت الظروف دون ذلك حيث ان(حيث ان متعوب عليها على قوله الهاشم وسما ورده المنتدى) اتصلوا عليه من الدوام وقالوا له ان اجازته اتكنسلت عشان زميله اللي مفروض ان ماسك دوامه صارت عنده ظروف خارج عن ارادته ..ولعن اخوي اليوم اللي ترك المبايل فيه مفتوح ههههههههههههه

المهم ما علينا قدر الله وما شاء فعل حبيت امسى عليكم واقول لكم كل سنه وانتو طيبين ان شاء الله ....

وان شاء الله تقضون رمضان في طاعة الله والتقرب منه حيث ان الاجر في رمضان مضاعف ويعطيكم الف الف عافية


ff) ff) ff)



? الوفاء