الا ليت الزمن يرجع ورى ولا الليالي تدور
ويرجع وقتنا الأول وننعم في بساطتنـــــــا

زمان اول احس انه زمانًًًًٍٍ فيه صدق شعور
نحب ونخلص النيه.. وتجمعنا محبتنـــــــــا

زمن ما فيه لا غيبه.. ولا حتى نفاق وزور
ياليته بس لويرجع ونسترجع طفولتـــــــنا

صغار قلوبنا بيضا..نعيش بعالمٍ محصــور
ولا نعرف ابد اغراب ما غير عيال حارتنا

صحيح صغار فالتفكير لكن ماعلينا قصور
نخطط نكسر اللعبه.. وتسعدنا شقاوتـــــنا

نروح المدرسه بدري ونضحك داخل الطابور
نحاول نزعج العالم في روحتنا وجيتنـــــــــا

وعشان نأخر الحصه.. نخبي علبة الطبشور
نشاغب بس فالآخـــــر.. تميزنا برائتـــــــنا

نحب الضحك والهيصه.. نحب انط فوق السور
نفرفش.. ليه مانفرفش مدام الضحك عادتنا

ولكن دارت الأيام.. وبان الخافي المستور
وصار الهم متعلي على قمة سعادتنــــــــا

كبرناوصارت الدنيا تصف أحزاننا بالدور
وتهدينا الألم والهم غصب عن عين رغبتنا

تعبنا من بلاوينا ..أحد ضيق وأحد مقهور
وكلٍ(ن) غارق بهمه.. وفالآخر تشتتــــنا

وانا ما أقول غير الا ياليت ان الزمان يدور
ويرجع للورى فتره.. نعّدل وضع عيشتنا




للشاعر :. فيـــصل اليامي

.................................................. .................................................. ...........


خانتني نظرتي/

كلمات لها وقعها على المشاعر....يعطيك العافيه