مالت عليك ومالت على الحب فوقك .......................................... ومالت على قلبٍ يحبك ويغليك
ومالت على غدرٍ جرى في عروقك .......................................... نسـّـاك خل ٍكان بالروح يفديك
نسـّـاك منهو يرتجي منك شوقك .......................................... يحتاج وصلك وأنت زايد تغليك
يحتاج لمسه من حنانك وذوقك .......................................... غير أن قلبك بالهجر كان يغريك
لكــــن أنا مليت من زود موقك .......................................... وأنت بحياتي كنت صفحة وبطويك
ملــــيت أنا دايم أوفـّي حقوقك .......................................... وأنت لحقوق الحب تعلن تحديك
يعــــــل قلبك للمهــالك يسوقك .......................................... ورجلك على درب الندامه توديك
وهمك يغطي كل ذره بخفــوقك .......................................... وترجع علي وتقول أهواك وأبغيك
باقول لك مالت على الحب فوقك .......................................... مالت على قلبي إذا رد يشريك
ddfrad")