يوم غابت شمسي قدام عن قمرها =وأختفت من ليله كل النجوم
راحت الأفراح تتبع بأثرها =والهنا لو جاد ساعه ما يدوم
أظلمت دنياي في عيني بعدها= كأن شبح الموت حولي يحوم
علتي في داخلي ماأحد خبرها =وان شكيت الحال للصاحب يلوم
يالجين الماس ياقمة سعدها =بعد كل أفراح صارت لي خصوم
ليه للفرقه تذوقني كدرها =والسبب ياصاحبي سر معدوم
نفسي اللي في هواك الله جبرها= عذرها في حبها لك ماتسوم
لا تخلي الروح متعبها صبرها =للجفا ياسيدي ماله لزوم