يوم غابت شمسي قدام عن قمرها
وأختفت من ليله كل النجوم
راحت الأفراح تتبع بأثرها
والهنا لو جاد ساعه ما يدوم
أظلمت دنياي في عيني بعدها
كأن شبح الموت حولي يحوم
علتي في داخلي ماأحد خبرها
وان شكيت الحال للصاحب يلوم
يالجين الماس ياقمة سعدها
بعد كل أفراح صارت لي خصوم
ليه للفرقه تذوقني كدرها
والسبب ياصاحبي سر معدوم
نفسي اللي في هواك الله جبرها
عذرها في حبها لك ماتسوم
لا تخلي الروح متعبها صبرها
للجفا ياسيدي ماله لزوم

/////////////ـــــ تحياتي وأشواقي الحاره ـــــــ وقريباً أشوفك أنشاء الله ياحياتي ///////////