السلام عليكم ورحمة الله وبركاته

اعجبتني هذة القصيدة يقال انها للشاعر محمد الرحيمي ( ما اعرفه ولاقد سمعت فيه الله يستر علينا وعليه )
اليكم القصيدة فيها نوع من المرح والنصيحة ايضا :-


تدري وش اللي يجيب الضغط والسكر --------- يزعجك ويخلي اخلاقك تجاريه0

واللي يخلي مزاجك دوم متعكر --------------- يدخلك دوامة الهم الحقيقيه 0

لياجيت صاحبك ولانه عنك متنكر ----------- متناهي المعرفة ومغير النيه0

ولا ليافكرت في اللي فيك مافكر ----------- لياقبلته صد عنك وزاد في غيه0

وان قلت له اي خدمة قال متشكر ---------- ثقيل نفس وماعملت له سيه 0

رجعك للي مضى وابطيت تتذكر ------------ وش بدله غير الاقمار الصناعيه 0

مصادر لو يصدر فيها أمر وتسكر ------------- عاشت نفوس العباد بلا حزازيه0

سمعت هرج سوات الوسم ليا بكر ---------- يبهجك ويزيدك احساس وحياويه 0

وليا جيت في مجتمع في غفلته ذكر --------- لعل يسمعك لو اثنين في الميه 0

خطير اللي اسمه مؤنث يصبح مذكر -------- في العولمة والقناة الفضائيه 0

والمزعج اللي ماغير يدق ويسكر ----------- ذنبه على الاتصالات السعوديه0

ودمتم سالمين [/size]

اللهم اشغلنا بما خلقتنا له

ولاتشغلنا بما خلقته لنا.