[poet font="Simplified Arabic,4,white,normal,normal" bkcolor="transparent" bkimage="backgrounds/18.gif" border="none,4,gray" type=0 line=200% align=center use=ex length=0 char="" num="0,black" filter=""]
قابلتها صدفه وصديت ندمان=والـــــــنار في قلبي تشب اللهايب

لاني بمتكبر ولاني بزعـــــــــلان=حتى ولاني صرت بالحيل شايب

واللي معي قالوا لي اشفيك حيران =لا00لاتكن عن شوفة الغيد تايب

كلن يفسر ماجرى عكس ماكــــان=كلن يدور للمعــنا نشـــــــــايب

قصه قديمه عشتها كلهــــا احــزان=اخفيتها تحت الثرى والنصــايب

كيف اشرح اسرارن توالت ولا بان=منها سوى دمعي يهل السحايب

كنا سوى ياناس جــيران جــــيران=واكثر من الجيران كــنا حـبايب

نسرح ونلعب دور وضحا وعجلان=والذيب ياخذ شرعته والطلايب

الى تفقذنا الغنم بالمســـا00بـــان=اغلا غنمنا كان بالعد غـــــــايب

ياهي غريبه مادروا بالذي كـــان=حب الغنم هون عليـــنا المصايب

حبيتها حبن يخــــــــــلـد بلزمان=اهله دروا واهلي وكل القـــرايب

تشاوروامابينهم شور حرمـــــان=الحب في تقديرهم كان عـــــــايب

في سوق من ياخذ ولايدفع اثمان=ساقوا وليفي بالحيل والغصـــــــايب

ذي قصتي والعفو لو صار نقصان=والنقص في بعض التواصيف صايب
[/poet]