ياليت مامن... لا طعون... ولا ملام
ولا همّ ضاق بـ"قلب" دايم يبتليه

ولا جرح ساطي.. مايوّصِّفه الكلام
ولا دمع يرثي زول مبطي نحتريه

ولا شمع ذاب ولا بقايا من حطام
ولا ليل غربة يُِودْع العاقل سفيه

يا ناشدن عنّي أنا حالي.. تمام
لولا... تصاريف الدهر بـ الّي أبيه

مُحال حال يكون حاله في دوام
لا بد يوم.. وفرق.. يلعن والديه

إما يسر بعد العسر ولا خصام
بين العسير وبين يسرٍ ما يجيه

الحال عسره شلت حمله كم عام؟
من كثرها معد انفعل,,وآقول ليه؟؟

بـ يدي فُرص ضيّعتها.. طار الحمام!!
وغصني يبس.. برد الندامة مكتسيه

تاهت خطاويّي \\ شعوري بـ انفصام
كره ومحبة.. للسراب.. بـ درب تيه!!

مـ قدر على نبش الأماني من عدام
والواقع أصعب من طموحٍ أرتجيه

سرّ النهاية بالقصيدة قبل انام
بيتٍ يراود هاجسي بـ آختم فيه:

للماضي من قلبي سلام واحترام
وللحاضر احزاني..وشرهة مو عليه..!!