ناقتـي ياناقتـي لاربـاع ولاسـديـس=وصليني لابتي مـن وراء هـاك الطعـوس
حائلاً رابع سنه من خيار العيـس عيـس=خفها لادرهمـت كنـه بالنـار محسـوس
في دجى خالي خلا لاحسيس ولانسيـس=تنوخذ من شدة البرد طقطقـة الظـروس
في عيوني يكفخ الطير ويطيـح الفريـس=وانتهض جساس من دون خالته البسـوس
وفي خفوقي فرخ جنيت يضرس ضريـس=يوم اوردها هجوس واصدرهـا هجـوس
ديرتي دار ابن ضاري وابن غثلم جريـس=ديرة اللي دوجوا في فيافـي نجـد جـوس
ديرتي يابنـت شيـخ ومعدنهـا نفيـس=عيطموسـاً دونهـا دثرتنـي عيطمـوس
جادلاً مطرق جسدها مع الغربـي يميـس=طينة من تربـة الخلـد والـدم محمـوس
نقشت خمساً من الخمس في يوم الخميـس=ليت شعري مـا ارادت بهـذا دختنـوس
كم تمنـا إن معـه مثلهـا فتنـه بليـس=كان يمكن قد قلب نصف إمتنـا مجـوس
كن دماث الصدر منها كنيسه او كنيـس=صومعة رهبان ديـر يـؤدون الطقـوس
آتقوس مـع تقـوس نواهدهـا وإقيـس=قبتين قاب قوسين قـوس جنـب قـوس
خصرها يحكي لنا واقـع القـوم التعيـس=وردفها عن غطرسة بوش يعطينـا دروس
وبالرغم من قصرها مايجالسهـا جليـس=تصبح أطول نسوة الارض في وضع الجلوس
العروسه ماتبي غير ابـو تركـي عريـس=العروسه نجد ماهيـب حـي الله عـروس
نجد بنت المجد ونسـة مونسـة الونيـس=ماعسفها الا معزي ضحى يـوم العبـوس
كل اهل نجد هلي من إجاء حتى الخميـس=في ذراهم بالتجي عن مقففـة الرسـوس
وعيشتي مابين أسود ولـو مانـي رئيـس=(خير من كوني رئيس على شلقة تيـوس)
وليس عيباً إن خدعني بمكره كـل هيـس=لان مايفهم بمكـر الهيـوس الا الهيـوس
مصطفى في مأدبـة عمـه البابـا لويـس=كبر اللقمه تحت ضوء حمـراء الكـؤوس
وطسم حدتها على حائط المبكى جديـس=يوم شقت ثوبهـا بنـت عفـار شمـوس
سيدة هاك القصـر أسمهـا الاول لميـس=دونها سمر الحناجـر بترهـا حـد مـوس
قسقسة لاحرارهم.قيس.قيس.قيس.قيـس=والبستهم من مهانتهـم انـواع اللبـوس
بين خدعة كعبخيـل ومولـد ادونيـس=درسونـا الالهـه والمـدرس هومـروس
ويش لاقوا من قناة السويس اهل السويس=وويش لاقوا من تلمسان قوماً من سنـوس
كلهم من شدة الجوع راحـوا خندريـس=بين غيبوبة مخدر وصحوة عـرق سـوس
ثورة راحـوا سببهـا بتـوع الاتوبيـس=وش نبي فيها وهـي ماتهـز الا الغـروس
آفة المرء اثنتان إلف كاس وحـب كيـس=والنفوس اليا بغيت اتعرفهـا ارم الفلـوس
ينكشف زيف الشعارات الى حمي الوطيس=ترجع الاذناب إذناب وتبقى الروس روس
صدق لاقال العرب مايحوص الا الخسيـس=ولايوط الروس شئياً مثل ضعف النفـوس