ايه احبك واستبد الحب في خفاقي=يعني مثلك ماهو بس انتى هواك جنوبي
هذا قلبي واسأليه يانبضه الدفاقي=كل نبضة في شراييني تقول محبوبي
ايه تفننتي وحبك استباح اغراقي=صرت يمك في شمالي ومشرقي وغروبي
كيف لا..يامن جماله عن مثيله فاقي=ياملاك(ن)سيرت بي في لقها دروبي
ياجنوبيه غرامك مسرحي ونطاقي=ماعشقت الا هواها وهمسها المعذوبي
لو وصفت الحسن غار الماسها البراقي=.قال يادوبي اضاهي جمالها يادوبي
فالعيون لاسلهمت ياذبحة العشاقي=ولارمت بسهامها ياقلبي المعطوبي
والخدود اللي كما الجوري بغصنه باقي=راويه والبسمة اللي جمرها مطلوبي
والثريا زانها بدر الخجل بعناقي=حين جاوبها خفوقي يالحبيبه طوبي
ياحلال الحب شوفك فرحتى بأعماقي=ياملاكي وجنتي في حسنها اليعروبي
لك غلا قلبي وحبه ولهفتي واشواقي=ياجنوبيه وروحي في هواها جنوبي