منتديات بني عمرو - عرض مشاركة واحدة - يا عابد الصورة على بيض الاوراق .... [ قصة وقصيدة ]

#1 12-27-2007, 03:44 AM

السلام عليكم ورحمة الله وبركاته..

أولا يعلم الله أني ما كتبت هذا الموضوع من عصبية ولا دعوى جاهليه

ولكن كتبته للتذكير بالقصة والقصائد الجميلة المذكورة فيها

تقول القصة

كان السعودي رشيد الزلامي في دولة شقيقة في اواخر السبعينات ميلادي بعد أن تم نفيــه..

وعندما رأى احد الاشخاص رشيد الزلامي يكثر من قراءة مجلة عليها صورة خادم الحرمين الشريفين - الملك فهد بن عبدالعزيز - رحمه الله..

قال هذا الرجل: مستنكرا ومستفزاً رشيد الزلامي :

حنا بدار دلهت صدر مـن ضـاق =بلـغ سلامـي للزلامـي وقـلـه
ياعابد الصوره على بيض الاوراق=دارك عرفناهـا وعلتـك عـلـه
وان كان حبه محرق قلبك احراق=شد الرحـال ودرب عمـك تدلـه

فرد عليه الزلامي قائلاً :

انتم بدار دلّهت صدر مـن ضـاق=وانا اتخيل صورتـه مخلـص لـه
ما تعرفونه يـا ردييـن الاعمـاق=هذا الفهد ذخر الفهـد فـي محلـه
اللي اذا شطـت ويبسـن الاريـاق=انته وانـا ومعزبـك تحـت ظلـه
والله احبه حب مخلـص ومشتـاق=واحـب حتـى صورتـه بالمجلـه
واهل الحسد ماهم على باب الارزاق=رزقي على اللي كون الكـون كلـه
وحنا سعوديين يـا طـاق طربـاق=احـرار ماعشنـا بعيشـة مـذلـه
رجالنا لو هو على مكسـر السـاق=حب الكرامه والوفـاء عـادةً لـه

وقيل أنه بعدها تم العفو عنه وعاد إلى دياره

وقيل إن قول الشاعر

اللي اذا شطـت ويبسـن الاريـاق=انته وانـا ومعزبـك تحـت ظلـه

تحقق بعدها بسنتين - تقريبا - في ( حرب الخليج )

رشيد الزلامي

منقوله

ارجوا ان تكون قد نالت على استحسانكم..

اطيب تحيه..