صادفتني مشيها مشي الظبـي
العنود المترفـه ريـم الفـلا

مع هنوفٍ حسنها يسبي سبي
اختها اللي طاغيٍ فيها الحـلا

قلت يا قلبي تخير مـن تبـي
قال الاول بـس والثانـي ولا

المحبه من طرف تذهب هبـي
ياجميـع اطرافهـا والا فـلا

لاجتمع حبـي بصـد معذبـي
طبخة اللي مات جوع ولا كلا!

ماكلاها بس اكلهـا بمقلبـي!
وصار أضحوكه لذاك وهـؤلا

ما أبي هالحب كله مـا أبـي
الخلا.. ميرالخلا.. ميرالخـلا

فكني من حب لبـاس العبـي
وخلني داله بهااالدنيـا سـلااا

لا الجمال الهاشمي والمغربـي
ولا نجود ولا عهود ولا رُولا

وفي النهاية وش كسبت الا تعبي
والعـذاب وهملاالـي همّـلا!

اعتبر من ناس قبلك ياصبـي
المحبه جننـت روس اعقـلا

ماسمعت بقيس قبلك يعربـي
اشهد أنـه عبـرة للمبتـلا!

قلت انا اللهم صلي عاالنبـي
يارسـول الله ياخيـر المـلا

ارجهني ياضلوعـي واحدبـي
واستخيري من قبل موت الغلا

التأنـي والسلامـة مكسبـي
واندفاعي مـاوراه إلا البـلا