والله .. أنا يحز في نفسي اني اشارك في موضوع يمسنا بهالشكل .. من اول يوم شفت فيه الموضوع وانا ودي اشارك .. بس مو قادرة لاحساسي الشديد بالألم لمجرد تفكير البعض في ان كل فتاة تكتب في النت هي فتاة .. حرام عليكم ياجماعة واتقوا الله في الكلام اللي تقولوه عن البنات .. مو كل البنات زي بعض .. في كل مكان في الكويس والبطال .. وانتوا ماتدروا عن ظروف الناس مايسير نطلق التهم جزافا .. الرجل عنده حرية التصرف في كل شي يخرج يروح يجي .. اللي يبي يسويه يسوه .. طيب والبنت ؟ مو كل شي ممكن انها تعمله.. اشياء بسيطة جدا جدا جدا وفي اضيق الحدود .. واعتقد ان البنت اللي تبي تسوي اشيا غلط ماتتعب نفسها وتكتب بمنتدى وتكتب بأي موضوع جاد أو غير جاد أو حتى شعر مع احترامي لملحوظة ذكرها احد الاخوان انها لازم ماتكتب شعر .. وتكتب بمواضيع جادة وهادفة .. ياخوووي كلنا احيانا نرد على المواضيع الجادة اللي تهمنا .. وعلى مواضيع الابتسامة اللي توسع الصدر شوية .. والشعر هذا موهبة واللي تكتب شعر بالذات لايمكن تكون بنت نت ! لانها لايمكن تكون تكتب باحساس واحساسها يوصل للقراء والاعضاء بصدق اذا هي ماعندها احساس صادق صادق صادق مع نفسها قبل الاخرين .. وادري ياخوووي انت قصدك لان الشعر يلين القلوب زي ماتفضلت وذكرت سابقاً .. بس انا قلت هالكلام بالذات عشان الشعر .. إي نعم أنا ادافع عن اللي يكتبون شعر لاني احب الشعر واكتبه .... ماكنت احب ابدا اني الاقي نفسي أنا واخواتي العزيزات في المنتدى في مكان ندافع فيه عن نفسنا وكأننا مرتكبين جريمة أو مذنبات لا سمح الله .. والمشكلة ان شهداتنا مجروحة لاننا بنات ومدري اذا اخواتي يتفقوا معاي في هالكلام ولا لأ ؟

وزي مالبنات فيهم بنت نت !!!!!!!!
كمان الرجال فيهم ناس ماشالله عليهم يخافوا الله ... وفيهم الذئاب البشرية زي ماتفضل البعض وذكر .. لكن هل هذا معناه اننا نجي نكتب موضوع ونعمم ونقول ..

يافتيات المنتدى هل ترضين الزواج من :

ذئب نت

طبعا لا .. لاننا .. زي ماقلت عارفين ان مو الكل زي بعض ..

أنا اللي خلاني ارد الحين اني لقيت ناس والحمد لله متنبهة لهذا الأمر ومقدرة أن للفتاة الحق في التعبير عن نفسها بأبسط وأقل أقل صورة .. الكتابة .. الكتابة ياناس صارت تخلي من البنت الحين شي مو كويس ؟
لمجرد انها عندها موهبة الكتابة صارت بنت نت ! احد يرفض الزواج من بنت معقولة لانها كاتبة ؟ مثقفة ؟ بس لانها تكتب في نت ؟ يعني لو تكتب في مجلة معليش ؟ اتقوا الله في البنات ياناس ..مو كل البنات زي بعض ..

وعموما كل يشوف الناس بعين طبعه !

الناس اللي يشوفوا ان كل بنت هي بنت نت مع الاسف ناس نفوسهم مريضة .. وضعيفة ... واللي يقول اذا تبي تكتب خلها تكتب .. بس مع كذا برضه راح تجامل او ترد .. وعشان كذا لايمكن الزواج ببنت نت !
طيب موانت ممكن تتقدم لأي بنت ماعندها نت وتتزوجك وبعد الزواج تقعد معاك عليه ! ويعجبها وتسجل وتصير زوجة نت !!!

أو ممكن تتقدم لأي بنت وماترضى فيك لانك انت ذيب نت !!! من وجهة نظرها وشلون بتقنعها بتقولها شوفي مواضيعي المحترمة ؟ ممكن تفكر انك عندك مكان ثاني تكتب فيه ... يعني لا بنت نت ولا حتى غيرها بيرضون فيك ....

لا حول ولا قوة الا بالله .. يعني عشان قالت شكرا ياخوي على مرورك كلك ذوق صارت تجامل وترد ؟! ..... الناس وصلت القمر واحنا نتكلم في موضوع البنات والنت ........ يعني كنها تجامل بالمكرفون .. كتبت كلمتين بس هذا هو ..

ويقولوا عننا دولة نامية ... زين ماحنا متأخرة بذا التفكير والله ..

أنا دخلت الانترنت من 4 اشهر فقط لاغيربعلم اهلي الوالد والوالدة واخويا الكبير العزيز هو اللي ساعدني في تحضير الكمبيوتر .. وبعد كده قعدت شهر ونصف فقط كنت بلا هدف مجرد تضييع وقت لاننا كنا وقتها في الإجازة المدرسية وكنت ماافهم فيه شي بصراحة .. دخلت المنتيات اتصفحها وكنت اتمنى اكتب فيها بس ماكنت اعرف طريقة التسجيل .. دخلت شات موقع واحد فقط هو الوحيد اللي كنت اعرفه ... واي نعم فعلا الشات اسوأ اسوأ شي ممكن الانسان يضيع وقته فيه وخطر خطر على المراهقات وصغيرات السن زي مالاحظت ان الاغلبية العظمى هناك أطفال وربي من جد والله ينخاف عليهم ....

بس الحمد لله رب العالمين و من حسن حظي اني عرفت اسجل في منتداكم .. وصرت عضوة فيه .. وبرضه اهلي يدرون إني عضوة في منتدى لانهم يدرون بإني اكتب شعر .. وياما عملت مسابقات في الشعر كثير في المدرسة لطالباتي ...

المسألة يااخواني مسألة تربية تربية تربية وثقة ثقة ثقة في اهلكم وذويكم
اولا واخيرا

ومن وقت ماسجلت وانا حسيت نفسي باضيع وقتي في شي مفيد في قراءة مواضيع مفيدة .. باكتب الاشياء اللي احبها .. صرت احس بالراحة .. إلى ان فوجئت بهالموضوع وببعض الردود القاسية في حكمها على البنات .. والتي خفف من وطأتها علينا بعض الردود الأخرى من اشخاص مشكوين جدا .. وعموما في النهاية جميعنا اخوان واخوات في منتدانا بني عمرو ..

واسفة جدا على الإطااااالة في حديثي ...
والله يعطيك العافية اخووي سيكا ..

العناااا ...

ff)

ياربَّ سبحانك تقبّل من دعاك وهو كسير
OOOOOOO وحنّا لغيرك ما حنينا الراس في سرّ وجهر
يارب تُرينا من عجايب قدرتك في ذالحقير
OOOOOOO اللي تجرأ وسب نبيّك سيّدي سيد كل البشر

اللهم ياذا الجلال والإكرام أدعوك باسمك الأعظم
أن تبسط على والداي من بركاتك ورحمتك
ولا تجعل لهما حاجة عند أحد غيرك
وارزقهما الجنة واجعل أوسع رزقهما عند كبر سنهما
اللهم إني أعوذ بك أن تردهما إلى أرذل العمر
وتقبل توبتهما وأجب دعوتهما
وأعنّي على برهما في كبرهما حتى يرضيا عني فترضى
آمين