رد: لا ودي اني وصلت ثمة
النعيم
موضوعك منطقي وصحيح واصبحنا نرى في الزواجات منكرات بصراحه تخووف والجدات والامهات من حقهم ان يعترضون لكن انا اقول ان لكل زمان دولة ورجال
في زمنهم سووا كل اللي في بالهم وتاب الله عليهم ورجعوا من غير عذاب ولا تعقيد
اقول خلوا البنات يستمتعون ود الوحده تتزوج في حفل انيق يحضرونها زميلاتها وكلهم سعاده وناسه وفيه طق ورقص
وطبعا الزميلات بيكونون اما زميلات جامعه او مدرسه وهذولا بيكونون من كل جنس ولون يعني صعب نقول لهم البسو محتشم ولا ترقصون لانهم بيجون على طبيعتهم
الشي الثاني ان النجديين اللي قلتي عليهم يكونون احيانا يلعبون على الحبلين وانا اعرف ناس من هذا النوع يسوون حفل ( حق الامهات والجدات والحريم اللي مايبغون المنكرات
والبنت يسوون لها حفل ثاني على مزاجها هي وزميلاتها ويسوون فيه اللي ما يتسوى
اذن الدعوى تمثيل في تمثيل طبعا مو الكل لكن البعض منهم على الاقل اللي انا حضرت الحفلين ولاحظت الفرق
نجي لربعنا واقول خلو البنات يفرحون باشراف الاهل ولا يكسرون خاطر البنت ولا يشددون وفي نفس الوقت لا يتركون الحبل عالغارب
النعيم
مره حضرت زواج لعائله ابوهم واعمامهم من اكثر الناس تشددا العروس لبست العريان جدا وزفتها كانت بصوت احد المطربين اللي سوا لها زفه مخصوص لها باسمها وباسم عريسها وهي المفروض انها من بيت مايعرف يعني ايش قنوات فضائيه من كثر التشدد
ولهذا الافضل ان يتم الامر باتفاق الاسره جميعا واذا الجده ودها تحضر فالله يحييها واذا بتنزعج فالله يسعدها تستريح ذيك الليله يمديها تبارك لهم يوم ثاني ولا احد رح يشره عليها اما انها تفصل لها عرس على مزاجها فاظنه صعب !!
طولت
فالمعذره ودمتي في خير
|