كان زمان ايام المتوسط عندنا ابله مصريه توها جايه من مصر واضح

من كلامها ومن تصرفاتها كانت تهزئنا تهزيئ على الطالعه والنازله تبغى ولا نفس في الحصه ..

مره كانت صديقتي تمزح معي ضربتني على كتفي وانا كنت شبه نايمه ومتركيه على ورى

حظها من الله وهي تضربني دخلت ذا المصريه من الباب وشافتها طبعا انا مافيه اي ردة

فعل متعوده على صديقتي هذي وعلى حركاتها ..

جات صاروخ من عند الباب واحنا تقريبا في نص الفصل الكل استغرب حركتها

فصحي على صديقتي صايح بغت تسنفر عقلها انا صحيت من النوم خلاااص وقالت لها بتضربي زملتيك ليه ...

قالت ماضربتها وهي صادقه ماهو ضرب ضرب شي عادي بيني وبينها قالت المدرسه ايه ايه اييييييييه بتكدبيني

دنا شفتك بعنيه .. أطلعي برى .. ام تأشر على الباب بيدها وبمالها من حيل وقووووه ..

ياويلي في حياتي كلها ماضحكت زي ماضحكت ذاك اليوم اول شي من ظلمها لها مسكينه ثاني شي

استنفرت عقل البنت وهي ماسوت شي ... انا خلاص ماعاد قدرت لا اتكلم ولا اقول حرف مغير ما اضحك

ولاعاد قدرت امسك نفسي فانزل راسي على الطاوله واكمل ضحك طبعا المصريه ماقالت لي شي على

بالها اني متأثره من الضرب وخلتني والله والله انه من بداية الحصه الى نهايتها واني اضحك

ويادمووووعي من قوة الضحك انها تصب ..

طبعا انا شاركت في الظلم هذا لما مادفعت عن البنت ولما نزلت راسي

وجلست اضحك الكل يحسب انه بسبب الضرب

بس خلاص ماعاد قدرت اتحكم في نفسي ...

الى اليوم والى بكره والى ان نموووت وانا وياها نضحك على ذا الموقف

اللي بيقرى الموضوع بيحسه عادي .. واقل من عادي ... بس والله في الواقع شي ثااااااااااني