نبرات يا قلبي بصوتي ونبـرات=نبرات صوت الحزن واسمع نداها
العين تبكـي دم وزادت بعبـرات=والسالفة عندك وربّـي قضاهـا
قمت أتخيّل حس صوته ونظرات=نظرات خلّـي واتخيّـل مداهـا
أه وأهٍ واه ويــن المـسـرّات=ولّت معه والروح زايد ضماهـا
اطعون واطعونٍ وزادت بجـرّات=وأهموم وأغمومٍ تعلّت سماهـا
مرات أسلّي خاطري به ومـرّات=أشوف هم الفكر روحي كساهـا
حسرات والله يا زماني وحسرات=حسرات شاعر قام يكتب بلاهـا
أمدّها الخطوة وتسرع بعثـرات=وقلبي لطريق المعمعة قد سلاها
كسرات بالخاطر وزادت بكسرات=وزادت بي أهمومي وقلبي دراها
باختم وبارحل بين ذيك المجرات=وأخيّل النجمات واتبـع ضواهـا