بدينا بالسلام ومانكنه بالضماير زود = يفوق الوصف عن مدحي لأ بو تركي ولافعاله
صليب الراس تسلم ياعميد اهل الكرم والجود= سديد الرأي غيره يأخذ العبره من أقواله
وقف وقفة صدوق وشدّ حيله والعباد رقود= صمد في وجه عثرات الزمن وأجتاز غرباله
كسب بيض الوجيه ولا تنحى للوجيه السود= حكيم وفيه من بعد النظر ميزه عن أجياله
زرع فينا صفات الطيب والغيره بدون حدود= حمانا واحتمى نفسه عسى فال السعد فاله
حلف ماينحني راسه لغير الواحد المعبود= ولا يخفض جناح الذل للجاهل ولا امثاله
علي ياعزوتي ياتاج راسي ياوزين العود= عسى من خلفك يا خوي دار الخلد منزاله
ترى شكلك عديم في الرجال ومثلنا محسود= تقوّل واستعنا بالذي مانسجد الا له
أنا وأن غبت عنكم جسم قلبي بينكم موجود= تهوجس بك مشاعر شاعر ماغبت عن باله
حشى لله يا ذاك البطل مايلحقه منقود= ولا يلبس لباس الذل مهما كانت أحواله