[poet font="Simplified Arabic,5,white,bold,normal" bkcolor="transparent" bkimage="backgrounds/6.gif" border="none,4,gray" type=2 line=200% align=center use=ex length=0 char="" num="0,black" filter=""]
ماهو بنا يابنت اللي تقولين =عني جريح الماضي اللي جرحتي
يمكن شبه ياهيه مابين وجهين=شدك معي.. ويجوز بعد اشتبهتي
وشوفي بعينك كانه اللي تشوفين=فيه الشبه من شخصك اللي ذكرتي
قالت عليك الله واسألك هالحين =كانك حبيبي.. قوووول جيتي وصلتي
قلت انظري يابنت والعين بالعين=اما اكون الشخص ولا اقتنعتي
قالت عرفتك.. قلت لا لا وتكفين=ماهو بنا وارجوك باللي سألتي
قالت اجل مشكور واسمح لي الحين =قلت العفو بس لاتكوني زعلتي
قالت احبه قلت و اشلون تنسين؟؟=قالت خطاي وقلت شكلك ندمتي
قالت نعم والله والوجد والبين =نار وجفا وتقول ليه احترقتي
قلت اعذريني واضح انك تحصدين =اللي بذرماضيك وانتي زرعتي
قالت تراك تشد من جرحي اسنين =قلت اصبري مادام سرك فضحتي
قالت انا قلت ايه توك تبيحين=سرك وسر الدمعة اللي نثرتي
قالت ترى والله غالين غالين =حبي ورمشي قلت رمشك صدقتي
قالت وحبي كيف اقول ثنتين؟=قلت اسأليه الحب واللي جرحتي
قالت انا ياوين والحب ياوين=وينه حبيبي قلت توك ذكرتي؟؟
انا حبيب الامس وان كان تدرين =قلبي حزن بالحيل ليلة رحلتي
قالت عرفتك قلت وش حال مابين =وصلك ووصلي يوم رحتي قطعتي
قالت احبك قلت من غير تبيين =بس الهوى جهال وانتي جهلتي
يكفي عليك اعتاب والحين صافين =وضمي يديني دام عندي زبنتي
قالت اضمك قلت خلية بعدين=دامك معي ملحوق وانتي لحقتي
قالت فرح دنياي ياعمري اسنين=وانت الحفل وش قلت.. قلت احتفلتي
وقامت تهل الدمع من طارف العين=قلت ارحمي هالحال يكفي ظلمتي
ترفقي يابنت مابيك تبكين=كافي عليك ادموع ياروحي انتي
قالت سألت الله يكفيك ثنتين=هجر وجفا قلت آآاه ياما هجرتي
[/poet]

مختاره ... اتمنى ان تحوز على رضاكم واعجابكم

لا تحاول أن تجعل ملابسك أغلى شيء فيك ، حتى لا تجد نفسك يوماً أرخص مما ترتديه