طاح القلم منّي وأنـا ساهـي ٍ فيـك = يا نوري اللي مـا تدلـى ولا طـاح
كنت أحسب إيديني معك تمسك إيديك = كنت أحسب إنّي في دفى حضنك أرتاح
كنت بعيونـي يـا عيونـي أراعيـك = ياللي سنا خدّك كما البـرق وضّـاح
محتاج لك واليـأس حطّـم مراقيـك = والدمع فيني هزّه الشـوق واجتـاح
حـرام والله لـدّي بعينـك اشفـيـك = ترى حياتـي كلهـا بدونـك أشبـاح
أنا ثرى وإنتي سمـا كيـف أبرويـك = جفّت ينابيع الهـوى كلّهـا شحـاح
وإنتي الطبيبة لي وأنا كيف أبشفيـك = وشلون يشفي عايـق القلـب جـرّاح
أنا أنتهيت ولا بقـى شـئ بأعطيـك = الروح والعينيـن والقلـب لـك راح
بأشكيـك لله وحـده اللـي يجازيـك = وإلا حـرام يحمّلـك هـم وأتــراح
قصدي أعاتـب وأدري إنـي بلاقيـك = وأدري بحبك يـا شـذى كـل فـوّاح
وأدري العذارى كل أبوهـن تباريـك = وأدري وتدرين إن لك بـس لوشـاح
وأدري وتدرين إن لك قصـر معليـك = عن كل هالعالم ولـك بـس مفتـاح
مفتـاح قلبـي والحنايـا شبابـيـك = والروح بستانـك وروضـك ولمـراح
تبقى الهدية .. كلّه العمـر أبهديـك = يا نوري اللي مـا تدّلـى ولا طـاح