سلاااام يا يمااااااعه ..


كما قد أسلفنا هذه النصائح لي ولكم ونسال الله التوفيق لي ولكم بحياااه فنااانه ..


هيا اقراءوا ولا احد( ن) ياخذ في خاطره شي ..



راح أطرح عليكم في هالحلقة الثانيه بعض الأخطاء الزوجيه .. مع تبيان الحل << خبره نمره واستماره .. يعني عندي نظره في مصايب هالمعرسين واحاول اجتهد ويمكن أصيب !

أخوي الزوج

زوجتك تحب الإقتراح عليك دائماً في بعض حلول مُشكلاتِكُم الداخليه .. لاتُلقي اقتراحها في أقرب نفاية .. بل إصغِ إليها وخلّك رجّال واعقل .. فعدم الاهتمام باقتراحها يجعلُها تُحِسّ بالتهميش العاطفي !

الأنوثه ودواهيها .. خِلقةٌ فطريه من الله عزّ وجلّ وهبها لذات لونِ " الزَهَر " .. لاطِفها وداعبها . فلها الحق في ذلك ... !

المرأه تمرّ بمراحل مُتعدده من العذاب النفسي والبدني ( ولادة وحمل وتسقيط وتنزيل سست وغير ذلك !! ومصايبها فمُراعة الشعور أثناء تِلك الفترة واجِبٌ ضروري على الزوج .. يعني مهوب تجيها وهي تعبانه وترفع خشتك عليها وتقول لها وهي منهاره بدنياً ( وراك ماتضحكين والا ليه ماسويتي هذا والا هذاك .. أنتي ووجهك اللي كنّه وجه عنز عقيم ) !

المعروف عن الحرمه أنها راعية خنبقه وعلاقات مع كل إمرأه على وجه الأرض .. والحرمه بطبيعتها تحب البشكه مع رفيقاتها .. وهذا حقّ من حقوقها في الإطار المحمود والغير مُبالغ فيه .. و ( حدّ ) الرجُل من علاقة زوجته بزميلاتها ومنعها من أخذ حقها في الذهاب إليهم غير صحيح << أحسّ أني بانجلد بعد ذا الكلام !

أختي الزوجه الهبله !!!

الرجُل معروف بطبيعته بكتم السرّ الزوجي .. يعني أغسلي يديك أنه يروح لاهله ويقول ( والله زوجتي اليوم طبخها مخيس زي وجهها .. والبارح لقيتها ماغسّلت المطبخ زين .. وقبل كم يوم لقيت لي وسخ بكاس الألمااس ) .. لكن المُلاحظ على بعض النساء أنها تكبّ عفش بيتها وتبدا تحشّ بزوجها عند أقرب أخت لها في بيت أهلها .. !

السؤال اللي يمصع نفسه : هل هذا من حقّ البيت الزوجي أيتُها الزوجه الخبله ؟

بعض الحريم ثرثاره وهرجها واجد .. ومن يوم يدخل زوجها وهي تستقعد له وماتخليه حتى يتنفّس أو يقدر يحرّك يده اليمُنى ..

دائماً لاتنتظري من زوجك قول ( آسف ) .. لأن الرجُل لايُحِب الإعتذار ( وفيه شوفة نفسن عظيمه ) .. ولكن انتظري طريقة اعتذاره بشكل آخر !

في حين المُعاشرة الزوجيه أمتعيه بِكُل الطرق وبجميع الأشكال حتى لايبحث عن المُتعه عن طريقٍ آخر !

= = =

وكما عودتُكم .. لابُد من التمليحه وطرح بعض الحركات الرووومانصيه .. عشان تصير حياتكم أحلى مايكون /

1 - أيتُها الزوجه << على بالي في خطبه وجالس أحدّث .. إذا بغى زوجك يسافر أو يروح للبر .. أحشري كم وردة مُجففة ثم عطّريها بأحلى عطر واكتبي على بطاقة صغيرة أحلى كلام وادعسيها أبو أبوها بمفرش نومه .. وراح يتفاجئ بهالحركة الحلوة إذا راح يتبطح على فراشه وقت النوم !

2 - من خلال حبّات الفاكهه " عنب + كرز + فراولة " تستطيعين رسم ( قلب حُب ) جميل داخل طبق الفاكهه الكبير .

3 - أختاري يوم " قميل " ورتّبي أمورك بعد تناول وجبة العشاء .. وقدّمي له صندوق صغير مليح ويهبّل وبداخله " مفتاح غرفة النوم " واكتبي داخله بطاقة صغيره مدوّن بها ( الغرفة وصاحبتها تحت أمرك اليوم يازوجي الغالي .. عندك مفاتيح الغرفة وعندك مفتاح قلبي ) ! << أبو الرومانصية ياناس !

4 - من باب التجديد وتغيير الروتين الزوجي المعروف .. أحضري الفطور على سرير النوم .. أيقضيه كي يتفاجئ بالإفطار الجميل .. الفطور طبعاً ما يخلو من (لقمه قرص وسمن وعسل ) .. لاتتهورين أختي الزوجه ثم تجيبين شاهي وينكبّ على رجله وينقلب الفرح إلى ترح .. غيّري هالمرّه وجيبي ( كاس عصير برتقال بارد ) .. وصباحكم ورد ! >>> بس ماتجي مع العريكه .. صدقتي غير ذاك اليوم حطي جبن وبيض والا اي نوع من الفطورالشرقي او الغربي >> وين يالحبيب طلعت خريطه ذي


نأتي لأخونا العشر>>> ..قلنا محد يزعل


5 - أخوي الزوج .. حدد لك يوم في الشهر واطلع بام العيال لاقرب ( برّ ) واكشت انت واياها .. أنت اللي أطبخ وخلّ أم العيال تغار من طبخك !

6 - في يوم من الايام ازرق بروحك لاقرب سوق .. أدخل لأقرب محل ملابس داخليه نسائية .. اشتر اللبس اللي على ذوقك ثم شف لك محل الهدايا .. غلّف الهديه .. وقدّمها لزوجتك .. وخلّها تحسّ بأنك جالس تشاطرها جمالها الخِلقي !

يالله عيدكم ... الله يسعدكم وترى ذي يبغالها تعود ..

عسباب التأقلم النفسي وكذا ...


عندنا تخفيضاااات للأواني المنزليه ..

محلات مهدي بن شعاعه الله يرحمه

فوتكم بعفيه

( منقول)