اذكر في فتره من الفترات
كان فيه طالبه من هالشاكله >>>ابن فطيس

المهم

كنت اسمع عنها واشوف لبسها وحركاتها وكلام البنات لها

ياولد ياعبدالله ياخالد يا مدري ايش وتنبسط من التعليقات ذي

المهم مع الايام وكذا صارت تكلمني سلام __عليكم السلام__ صباح الخير ___صباح النور
ويالله يوم عن يوم
وانا عادتا لي نظره خاصه بالانسان
البنت هذي حسيتها فاقده الثقه بنفسها وحابه تلفت النظر باي شكل وباي طريقه واشياء ثانيه
المهم قررت اسوي عليها تجربه هه

مثلا شعرها كان بوي
كنت اقولها شعرك حلو اش تسوين فيه وش تحطين
اول مره قلته لها كانها انصدمت زي الي تبغا تقول هيه ترا ماني بنت مثلكم صحصحي بس كنت اطنش
ويالله صار لي فتره اتكلم عن شعرها وعنها انها حلوه ومواطن الجمال فيها ((مع انها ماهي حلوه))
وكنت اسولف معها سوالف عن السوق وحاجات بناتيه واسئلها عن اييي شي اشوفه عندها
المهم مع الايام عرفت انها زي ماتوقعت ثقتها بنفسها عدم مره مره
والبنت احسها محتاجه حد تكلمه بس
حد يسمعها
محتاجه نصيحه
اشياء بسيطه يعني
المهم
حركاتها الولاديه تغيرت شويه شويه بس مو كل شي
جا يوم من الايام كان يوم سبت

دخلَت علينا وشعرها مصبوغ ومنزله غره ولابسه حلق احمر وحاطه روج خفيف وكحل

الحركه الي سوتها بالنسبه لها قويه مره وتقدم رهيب وشي لايصدق

فرحت فرحه خلاص قلبي بغا يتوقف

وهي داخله ساعه تنزل راسها وساعه ترفعه تطالع في عيونا اش بنقول

بس البنات كل وحده رمت مليون تعليق ومليون ضحكه ومليون كلمه
البنت تحطمت ورجعت زي ماكانت

وكل وحده راحت في حالها

وهذي اعتبرها اخففففففففففف اخف الحالات

الله يهديهم ولا ياخذ اعمارهم

غارقه في نِعمگ يَ آللھ ˛ فلگ آلحمدُ حتى ترضىَ♡