[poet font="Simplified Arabic,4,white,normal,normal" bkcolor="transparent" bkimage="backgrounds/9.gif" border="ridge,10,chocolate" type=2 line=200% align=center use=ex length=0 char="4" num="0,black" filter=""]
زهـر قـلبي غـدا ذابل رويته بس ما يروى=الـومه لـيه مـتعوّد يـجيه الـدم مـن دمك
تـذكرت الـغلا مـدري شرود ٍ صابن بلوى=على سلّم زمان الجدب .. همّي في خطى همك
أجـيك لـدنيتك بـاشعار حبي ما أنتظر فتوى=واغـطي قـلبك ابصدري وابعثرني لجل لمّك
نـصبتك خـيمة أفـكار ٍ تديم الحل والنجوى=تـبـعدني تـقربني وقـلبي مـنطوي يـمك
خـذتني لـحظة جـنونك أبد ما خفتها عدوى=واذا قـالوا واذا لامـوا ألـوم الناس في ذمّك
بـعد عـمري انـا كلي معك كلي شهد حلوى=دلالـي والـشهد كـله تـفضل جـبته لـفمك
تـرى نـهري هو المسقى اذا لمصافحه تقوى=واذا تـقوى بـعد شعري زهور ٍ تنتظر شمك
غـدا نوحي غصن مايل يثير طيورك بنشوى=امـانه ارفـق بـغصني اذا حـبل الجفا زمك
وقـف نـزفي عـلى كفك يبوح الود بالشكوى=واذا حـس الـحيا صـاده تدارى نزفي بكمك
اموت بقربك الحاني واصيح ارفق ترى مااقوى=حـلالك لـو تـعذبني حلالك وان قسا ضمك
[/poet]

سألتك بالذى جابك على دربى حزن مغمور وش اللى تنتظر منى

ودمعى شرع ابوابه