رد: مليون عبرة مرثية ........ في الشهيد البطل
يا محمد ضاق صدري يخنقه مليون عبره
والفرح يا ولد عمي يحرم اني ما لقيته
ما بقالي يا محمد من الفرح يا كود ذكره
عقب موتك يا محمد ودي ان موتك خذيته
آه كم دمع تحدر فوق خدي مل صبره
آه كم ليل سهرته طال همي ما قضيته
ويش عذر الحزن فأمه آه والله ويش عذره
ويش ذنب اللي انقتل بالغدر ليت اني فديته
أتذكر كل صورة وابكي الماضى بحسرة
تنهمل دمعات عيني لا نظرت لباب بيته
يا بني عمي اسندوني يا سند صالح وظهره
عاونوني حارت اقدامي بدربي لا مشيته
الخبر صدمة عمتني ولعت بالقلب قهره
بالدموع أظن ما أوفي للعزيز اللي بكيته
الخلوق الطيب اللي بالكرم ما جف بحره
ما هقيت أوفي بحقه لا ولا ظني وفيته
يا شهيد عاش وافي ثم جاه الموت غدره
يا عزيز النفس يوم الذل أنا أشهد ما رضيته
قربوا لي من غبني واركز الخنجر بصدره
وتنومس يا ابن عمي بعد ما ثأرك خذيته
لو تهل امزان دمعي ينولد مليون زهرة
الأمل ما مات يا غالي وفينا انتا بنيته
يا لله أسألك وابدعي في خفى قلبي وجهره
تسكنه جنات خلد (ن) يا معيني لا دعيته
يا بني عمي وصاتي تدفنوني يم قبره
دامني جار الشهيد فكل حزن (ن) لي نسيت
صح لسانك
ومحمد الله يرحمه ويسكنه الجنه
فقد المنا فراقه جميعاً
|