يالله ياللي خالق الأنس والجــــــــان = يا واحدٍ كل البشـــر ترتجــــــــي له
أجبر مصيبة من شكى جورالأحـــزان = وأجعل مكان الحزن فرحه جـمـيــــله
وأطلبك يا رحمن يا عالي الشـــــــأن= ترحم قلوبٍ شــاكيـــاتٍ عــلــيــــله
قلوب تشكي حزن من خلف قضبــان = في ســجنها تندم على كل مــيـــــــله
لكن ذا معروف من فعل شــيــطـــان = وأبليس ما كلٍ يقاوي غــلــيــــــــــله
وقلوب تشكي فقدها شوفة إنســـــان = أصبح ضناها فوت عن كل جــــيــــله
وقلوب تسكن من عناء الوقت بركـان = تســهر على أحزان الدهر كل لــيــــله
واليوم أنا بأطلبك يالشيخ قــبــــلان = بأسم الجنوب وكل شيخ وقــبــيــــــله
وأنشدك بالله تعلن اليوم غــفــــران = تغفر خطأ من حطم الذنب حــيــــــله
واللي يجازي زلة الغير بإحســـــان = يلقى من الرحمن خــيــرٍ يــــجــي له
أطلبك تعتق يا أجودي رآس بدهان = وأكسب بها بين القبائل جــمـيـــــــله
وأرجوك لا تأمن صواديف الأزمــان = ترى الزمن لو جار مافيه حــيـــــــــله
اليوم صاحب حق والحق بـرهــــان = ما فيه شــكّ وكل بيّن دلــيــــــــــــله
لكن بعد أيام بتصير نــدمـــــــــان = وتزيد ذاك الحزن حزن مـــثـــيـــــــله
وأيامنا ما بين راضي وزعـــــــلان = والراضي اللي مقتنع في قــلــيــــــــــله