جانا سيف الساهر معه مفك جلمبوووو وزراديه وعفريته ترله
<<<<<<اخونا في الله شغال بووورشه
المهم راح للبنت
وقال انتي مثابره وجيده وشطوره اموره
البنت ما احد قالها هالكلام
مستغربه سيف الساهر يتميلح
قالت اخلص وش عندك من الاخير
قام سيف الساهر خبط سماااا با ابوو جلمبوووو على خشعتها ( الخشعه = مقدمه الراس ) الا والبنت منسدحه وقام يشربها بالاكراه عنوه
بعد ما شرب البنت اخونا في الله قام يطالعها ويحك راسه
اول ما التفت الا وولد الفيجه وراه على سيكله
ولد الفيجه = زميل سيف الساهر بالنادي الثقاافي لكره السله
ولد الفيجه / وش صاير سلمات
سيف الساهر / ابد نبي نعالجها جبت لها نافوره براسها
ولد الفيجه / عز الله الا رحت قصاص
سيف الساهر/ افزع لي وانا اخوك شف لي حل
ولد الفيجه يانكبه انقز على السيكل خلنا ننحاش انا صرت متواطي معك يعني بالقانون اكيد مجرم والساكت عن فقعت راس البنت بياكلها سجن
بس انقز خلنا ندز
<<<<<< نقزو الشباب ودزو على هالسيكل ومن مسراب في مسراب ماخلو دحش الا ودخلووه وكانهم مطرودين
الضعيفه سماااا الله لايضعفنا مغمى عليها وفاقده الوعي
مر عليها مفارق خلانه والمسكت والوفاااء وكل واحد منهم في ضهره محفره نزلوا محافرهم وجو للبنت يشووفون وش فيها
صحت فيهم سمااا وهي تقووول ابي اعرس ابي اعرس
تعجبوا منها وقام من بينهم المسكت يضحك
طالع فيه مفارق خلانه وقال له استح على وجهك البنت تعبانه وتضحك انت وخشتك
حمر وجه المسكت وقام يقووول لا تقعد تنافخ علينا تحمد ربك من امس وحنا نجمع مواضيعك
راحت الوفاااء تشوووف وش بلى البنت من على حطت يدها على راس البنت وتشوووف حرارتها
البنت ماسكه معها غلط ابي اعرس ابي اعرس
ردت الوفاااء عليها تبي تهديها ابشري لا يهمك بس هدي بالك
قامو يبوون يسلون البنت توهقوو فيها وفي المحافر
اخر شي فرغوا محفره في الثانيه وحطووو سمااا فيها والله يعينك يا مفارق شيل لاهنت
قام يمشووون بمساريب ملتويه والبنت جننتهم كل ما مرو من جنب شجره قامت تمسك في الاغصان وهي تقوول ابي اعرس ابي اعرس
اول ما شافتها خالتها شمس الفجر جت ما غطه طبلووونها وتقوول لها انزل فضحتينا وش منقزك فوق ظهر هالبعير (مفارق خلانه)
وترد عليها البنت ابي اعرس ابي اعرس
طبعا فغرت شموووووووووستنا ( فغرت= فتحت فمها لكل ماهب ودب لبرهه)
وقالت ياحليل بنتنا عز الله راحت فيها
تقدم المسكت بكل ثقه اللي يشوووفه بقووول هذا ماكن يضحك اول ماشافها
وهو يقوووول لشمووووسه قضاااء الله وقدره هونيها وتهون
طبعا شموووووسه لابس منديل ( منديل = شيله ذات لون برطقالي عليها طبعات رجول قطط ) وفي طرف المنتديل عقده فيها خمسين ريال معفطه سبعين عفطه
حلوووه عفطه بنت كامله
ما علينا نكمل الموضووع
اخذت هالخمسين واعطتها المسكت
المسكت على طول رد وقال الله ياخاله ماهي بيننا هذا الواجب وسووينها
قالت الله ياخذ عمر العدو من قال لك خذها انقلع رح جب لها منديل وتعال
<<<<<<<< ودي اني شفت وجه المسكت
هههههههههههههههههههههههههههههههههههههههه
الوفاااء تحك راسها وتقووول لو زوجنا البنت بتطيب والا لا
فجااااءه
سيف الساهر وولد الفيجه طبلووونهم جايين وطربق طاااااااااااااخ طمبق طيط
صدمو ا بسيكلهم المسكت والبنت باقي في المحفره ما نزلها
سماااااا راحت للسمااا ثمن عودت طبلووونها على ثماله وقربع على الخشعه
سيف الساهر / والله ما خبطتها على خشعتها
مفارق خلانه / وش تقووول انت
سيف الساهر / والله قصدي اعالجها بس
مفارق خلانه / اقووول ماثره عليك كرشه المسكت يا زينك ساكت قم شف البنت وش جاها
راح سيف الساهر للبنت المنسدحه على الثماله (الثماله=جدار طبيعي من الحجر مزود بدواعم طينيه تلقى الوحران في وسطها ) وعندها خالتها شمووووسه والوفاااء والمسكت
سمااا اول ما شافت سيف الساهر قامت وانواع الشلوطيات
ولد الفيجه متعلق بسيكله في محفره المسكت والمسكت مو داري وش السالفه
طبعا نكلوووو سيف الساهر بحسيل ( جازوه يعني بوليمه ) (الحسيل =كائن حي يقووولن ااااااااااااااااااء بعاااااااااااااااااع )
نكمل معكم الموضووع في حلقه اخرىى تقبلوو تحياتي واعتذاري عن عدم اخذ الاذن من اصحاب الاسامي التي تم ذكرها
اخوكم
السيكا
يالله صباح خير
|