لاتقـل مافيـه غيـري لاتقـل مـلاّ أنـا=حط من كبرك شوي وخل لغـرورك حـدود
من تلبّـس بالغروريمـوت مـن ذل العنـا=مثل راوي الغصن يذبل من تحت ظل الورود
كنت لك دنيا الحنان وكنت لي مثل الضنـا=أنفطرقلبي عليك وشوف قلبك لـي جحـود
رحت بأفكارك بعيدوشوفنـي واقـف هنـا=أحتري غيمة سرابك وأحتسي كاس الصدود
أكتب أشعاري غـرام فيـك يالحـن الغنـا=يمكن أنك لاعزفـت أوتارهـا يـوم تعـود
كم بنيت من الخيال قصـور وأنهـد البنـا=وصارت قصور الخيال أجسادمن بين اللحود
تبحرالعبرات يمـك تشتكـي ظيـم الونـا=وذابت أمواج الجليد وبللت رمـل الخـدود
ياشبيـه المـوت ياغيـم يبكّيـه السـنـا=مابقى له حيلة يصبر على ظلـم الرعـود
يرتجف خوف المشاعرلاسمع لحظـة هنـا=ماتعوّدخافقي منّك على غيـر البـرووووود
في عيون الشمس حسره لأقبل الليل ودنـا=تحتضرشمعةقصيدي في ظلام حروف سود
أفتكرأني ضحية حـب وأنـت اللـي جنـا=تتبع المقتول وتكفّنه فـي ثـوب الوعـود
ليـه تتركنـي مجـرد ذكـريـات للفـنـا=وكيف تدفن بالحيا حيّ على دنيـا الوجـود